Черногория таңғалдырады: Бока-Котор мүйісін зерттейміз

Бұл гид табиғаттың сұлулығына арналған болса, әлемде біз, Join UP! -тағылар Мишленнің бар жұлдызын беруге дайын болатын ғажайыптар бар. Олардың қатарында — Черногорияның мақтанышы және Еуропадағы ең керемет жерлердің бірі Бока-Котор мүйісі.

Мысалы, мүйістегі маусым мамырдан бастап қазанға дейін созылады, сондықтан бұл жерде демалыс өткізуге алда тұтас бір жаз бар. Ал, әзірге оның басты ерекшеліктері және онда немен шұғылдануға болатыны туралы айтып берейік.

Катерина Артюх Head of Product Marketing: Менің Черногориядағы ең сүйікті жерім — Бока-Котор мүйісі. Осы елге алғаш аяқ басқан кезде мен экскурсиядан ерекше әсерге бөленемін деп күткен жоқпын. Менің көз алдымда шатқалдың сұлулығы ашылғанда — айтып жеткізерге сөзім болмай қалды !

«Ұсынылған нұсқалардың ішіндегі ең қарапайым экскурсия керемет пейжазға байы болып шықты. Туристерді шатқал басталатын жерге алып келеді де, әрі қалай қайықпен шығанаққа терең ене түсеміз. Жолда жағалауда орналасқан көптеген ауылдарды тамашалауға болады. Ал ең көрікті жер — Котор қалады, мүйіс осы жерге жетіп тіреледі. Бұл байырғы жер. Қай жағыңа қарамасаң да — барлығын есте сақтап қалғың келеді (ең болмаса телефонда). Ең тәжірибелі, сондай-ақ енді бастаған саяхатшыларға осы жерді өздерінің must visit тізіміне қосып қоюға кеңес беремін».

Қасиетті Джовани бекінісі (Котор)

Бұл ежелгі құрылыстың ауқымы мызғымас Қытай қабырғасын елестетеді. Бекініс теңізден келетін қауіптің алдын алу үшін сонау IX ғасырда салынған. Оның ең биік шыңына жету үшін сізге 1350 тас баспалдақпен көтерілу керек. Бірақ 280 метрлік биіктіктен ашылатын көріністер күш салуға тұрарлық.
Мысықтар мұражайы (Котор)

Құйрықтары бұлаңдаған мысықтар — Котордың басты символдарының бірі. Осы жануардың мүсіндері мен суреттерін қала ішін аралап жүргенде жиі кездестіресіз. Қалалық мысықтар мұражайын айналып кетпеуге кеңес береміз. Бұл жерде мысықпен байланысты әлемнің түпкір-түпкірінен жиналған суреттердің, монеталардың, фото мен иллюстрациялардың кең жиынтығы жиналған. Залдарда 16-17-ғасырлардағы кітаптар бар, сонымен қатар мысыққа әуес әлемге танымал адамдар мен патша отбасының суреттері ілінген. Кіретін билет құны небәрі 1 евро, ал барлық қалған жиналған ақша қаладағы көше мысықтарын асырауға жұмсалады.
Горажда бекінісі (Скальяри)

Бока жағалауында орналасқан бұл бекініс — австра-венгер мұрасының бір бөлігі. Ол 1886 жылы салынған, бұл жерде өзіндік бақылау пункті болған, ол шығанақтың бір бөлін және Котор мен Цетинье арасындағы жолды бақылауға мүмкіндік берген. Ғимараттың бүкіл периметрін бойлай ор қазылған. Бекіністің жанында ғашық жандарға арналған алаң бар, онда жас жұбайлар теңдесі жоқ көріністің ортасында той салтанатын өткізе алады!
Қасиетті Никола храмы (Пераст)

19-ғасырдың басында бұл храм бұрын өртеніп кеткен Бенедиктин шіркеуінің орнында пайда болған. Ғимарат византиялық стильде салынған және бірден екі қоңырау соғатын шіркеу мұнарасымен жасақталған. Ғимараттың сыртқы сұлулығынан басқа, саяхатшыларды храмда сақталып қалған тарихи құндылықтар коллекциясы да еліктіреді, мысалы, 1799 жылы басылған «Авраамның құрбандығы» кітабы.
Періштелер Құдай анасының шіркеуі (Лепетане)

Лепетане — шығанақтағы кіп-кішкентай ауыл, оның тарихы сонау 15-ғасырдан басталады. Осы жердегі ең көрікті жерлердің бірі — жартылай қираған Періштелер Құдай анасы шіркеуі, ол да күзет мұнарасы рөлін атқарған. Ескі ғимарат жартылай тастанды жерде орналасқан, онда тыныш әрі жайлы атмосферада мүйістің бар көркін тамашалауға болады.

Тамақтанатын сүйікті жерлеріміз туралы әңгімелейік. Бұл жерлерде тек тамақтанып қана қоймай, Бока-Котор шығанағының қайталанбас көрінісін де тамашалай отыруға болады.
Stari Mlini

Бұл отбасылық мейрамхана өзінің 40 жылдық мерейтойын атап өтіп, саяхатшылардың арасында да, жергілікті тұрғындардың арасында да керемет беделге ие болып үлгерген. Мекеме асханасындағы басты қағида — тамақты қызметкерлердің өзі өсірген немесе көрші ауылдағы жергілікті тұрғындардан сатып алуға болатын балғын құрамдас бөліктерден әзірлеу.
Милош. Мейрамханасы бар устрица фермасы

Перасттағы абсолютті must visit. Бұл жерге бірінші кезекті устрицалардың жанкүйерлеріне келу керек. Сіз осы жерде отырып жергілікті фермада өсірілген экологиялық таза улулардың дәмін тата аласыз немесе кешірек жеу үшін өзіңізбен бірге алып кетуге де болады. Негізгі тағамға дәмді үй шарабын ұсынады.
Konoba Ribar

Бұл мекеменің бірден екі артықшылығы бар — оның орналасқан жері және мәзірі. Мейрамхананың жазғы террасасы тура су жиегіндегі тастан қаланған пирсте орналасқан, бұл жерден шығанаққа және Пераст аралдарына керемет көрініс ашылады. Ал мәзірінде көбінесе теңіз өнімдері мен балық кездеседі. Оларды арнайы жұмысшылар күн сайын аулап, дәстүрлі рецептпен дайындап отырады.
Punto Crudo

Ал бұл — біздің тізімдегі нағыз жұлдыздың өзі! Өйткені бұл мейрамхана Бондианның фильмдерінің бірінде бой көрсетіп үлгерді. Ал сіз білетіндей Ұлы мәртебелінің қызметіндегі ең өжет агент ең жақсысын ғана таңдап үйренген. Жағалаудағы мекемеде алдыңнан ашылатын керемет көрініс пен тойымды тағамды Француз Ривьерасы шараптарының бірегей картасына енген бір бокал шараппен толықтыруға болады.

Бока-Котор шығанағында кездесеміз бе? Өте сұлу жер — Join UP! кепілдік береді!