Join UP!-пен бірге Шри-Ланкадағы экзотикалық жаз!

Жақында ғана Мысырды тек қана қыста баруға болатын бағыт деп санап жүрген кездеріңіз есіңізде ме? Өз еліңде күн суық болып, күннің жылуы мен шуағын сағынып жүретін кезіңде ауысып кете салуға болатын жаз. Сөйтіп жүргенде біз Rediscover концептімізді алып келдік те, Мысырға жылдың кез келген уақытында керемет саяхат жасап келуге болатынын дәлелдедік.

Шынында да, мамырдан шілдеге дейін оңтүстік және шығыс жағалауда тропикалық нөсер жауындар өте көп жауады, бірақ көбінесе түнгі уақытта және тез тоқтайды. Ал шығыс және солтүстік жағалауларда муссондар кезеңі мүлдем сезілмейді. Бұл жерде күн әлі де жылы, құрғақ және шуақты, ал мұхит тұнық және тыныш болып тұр. Сәуірден қыркүйекке дейінгі айлар Шри-Ланканың екінші, туристер әлі толық зерттеп көрмеген жағымен жақынырақ танысу үшін ең жайлы мезгіл болып саналады.

Аралдың шығыс бөлігі енді жаралғандай табиғатымен, пальма мен мүйістерге толы адам аяғы баспаған жағажайларымен, мұхиттың жылтылдаған таза суларымен және бірнеше шақырымдарға созылған қардай әппақ құмдарымен баурап алады. Бұл жерде табиғи емдік ыстық су көздері, әлем бойынша көлемі жағынан бесінші орында тұрған табиғи терең сулы порт, көптеген буддистік және индуистік храмдары бар. Ал әйгілі ланкалық easy living вайб әр тұсына ене отырып, бұрынғыдан да қатты сезіледі.

Жаз – бұл осы бір жұмақ ортасындағы жағажай демалысын жергілікті мәдениет пен Шри-Ланканың тарихына шомумен бірге үйлестіруге болатын керемет шақ. Біз «қасиетті мекенде» естен шықпастай экзотикалық жазды өткізуге мүмкіндік беретін бірнеше идеяларымызды дайындап қойдық.

Аты аңызға айналған Сигирия

Әйгілі жартасқа шығып… қоршаған пейзажға және әлі күнге дейін сол кездегі ғаламат сәулеттік алуан-түрлілігімен және тиынақтылығымен таңғалдыратын 5–ші ғасыр қорғанының қалдықтарына таңырқап тұрып қалу. Сигирияның елдің адам ең көп баратын көрікті жерлерінің бірі болып саналуы және ЮНЕСКО-ның қорғауында болуы бекер емес. Елестетіп көріңізші, оған тастан қашалған арыстанның аузына ұқсас қақпа арқылы кіру қажет болған, ал ол тастардың артында:

• таудың бүкіл баурауын жауып тұрған 5600 ш.м. бірегей фрескалары. Олардың басым бөлігі осы күнге дейін сақталып қалған және «алып картиналар галереясы» атымен атағы шыққан.
• Қорғаныс орлар тізбесі және сол кезде будда монахтары үшін пана болған тас бақтары.
• Бассейндері, жылғалары бар су бақшалары және әлемдегі алғашқы субұрқақтары бар бүтіндей бір қала бой көтерген.

Осы ғаламат пен сұлулыққа қалай таңданбайсың?!

Полоннарува ежелгі астанасы

Шри-Ланкаға барып тұрып оның орта ғасырлық астанасы мен жүздеген жылдардан кейін де бұрынғы салтанаты мен құдыретін сақтап қалған билеушілердің резиденциясын қалай көрмейсің? Олардың кейбірін айтып өтейік:

• Шри-Ланканың ең атақты храмы – Гал Вихара. Иә-иә, сіз осы қасиетті жерді мыңдаған жылдар бойы қорғап келе жатқан Будданың әлемге танымал гранит мүсіндерінің ауқымы мен сұлулығын өз көзіңізбен бағалай аласыз. Олардың ең үлкенінің ұзындығы – 14 метр, осы мүсіндерді қазіргі құрал-жабдықтары жоқ адамдардың қалай жасағаны әлі де жұмбақ болып қалып отыр.
• Ватадаж, оның тарихы көптеген аңыздармен тұмшаланған, және солардың біріне сенсек, бұл кешен Будда тісі сияқты жәдігерді сақтау үшін салынған.
• Ниссанка Лата Мандапайя және Ланкатилака бейнелер үйібірегей сәулет кешендері.
• Король сарайының қалдықтары. Сіздің қиялыңыз үшін нағыз кең-байтақ осы жер. Өйткені оның оқиғасын тыңдап отырып, сіз бірден 12-ші ғасырға тап боласыз да, Паракрамабаху королімен бірге қорғанның барлық қабаттарын айналып өтесіз. Жұрт осы жерде мыңдаған сәнді палаталар болған деседі.
• Миннерия ұлттық паркі. Бүкіл азия құрлығында пілдердің ең үлкен жиынын көру мүмкіндігін жіберіп алмаңыз. Мамырдан қыркүйекке дейін олар бұл жерде жүздеп жиналады, ал оларға тағы да 20-дан астам жануарлар түрлері мен 160 құс түрлері серік болады! Мұндайды сирек көресің!

Дамбулла алтын храмы

Дамбулла – бұл 22 ғасырдан бері мыңдаған қажы жиналатын Оңтүстік Азияның ең ірі үңгірлі ғибадатханасы. Елестетіп көріңізші, осы туындының жасалғанына екі мың жылдан асып кеткен және оның ішіне кірген адам әлі күнге дейін біздің дәуірімізге дейін жасалған Будда мүсіндерін көре алады! Бұл жерде олардың саны 150-ге жетеді және бұл әлем бойынша Будда мүсіндерінің ең ірі топтамасы!

Көкжиектегі киттер

Бала кезіңізден ғаламшарымыздың ең алып жануарларын өз көзіңізбен көруді армандап келе жатқаныңыз рас емес пе? Жазғы Шри-Ланка – сіздің өз арманыңызды іске асыра алатын кезіңіз және орныңыз. Мамырдан бастап қазан айына дейін шығыс жағалауында киттердің көшіп-қону маусымы жүреді. Сондықтан Тринкомали жағажайына тоқтауды таңдаңыз және жүзіп өтіп бара жатқан көк киттердің, косаткалардың, кашалоттардың және дельфиндердің шоуын тамашалауға дайындалыңыз.

Биылғы жаз Join UP!-пен бірге экзотикалық жаңалықтарды ашу жазы болсын!