Халал туризм 2025. Түрік ривьерасында қайда тоқтауға болады?

Халал туризм бұрынғыдан да жайлы бола түсті: 2024 жылы Ғаламдық мұсылман саяхаты индексінде (GMTI) бағыттардың орташа балы 10%-ға жуық өсті.* Бірақ нақты мысалдарға көшейік: бүгін сіздерге Түркиядағы екі керемет қонақүй туралы айтып береміз, сонда сіз демалыс шарттарын өзіңіз бағалай аласыз.

Бұл орындар теңіз жағасында демалуды және басқа елдердің әсем табиғатын тамашалауды қалайтын, бірақ өз діндарлығынан ауытқығысы келмейтін мұсылмандар үшін мінсіз таңдау. Халал қонақ үйлер исламның этикалық және діни қағидаларын ескереді:

• ұнда ақыл мен жүректі азғыратын ештеңе жоқ: алкогольсіз, құмар ойындарсыз, әдепсіз ойын-сауықтар мен көріністерсіз.
• Мәзірдегі тағамдар тыйым салынған (харам) өнімдер мен процестерсіз дайындалған.
• Курорттарда арнайы қалқалар орнатылады немесе тіпті қабырғалар салынады, осылайша әйелдерге арналған аймақта – СПА-да, жағажайда, хауыздарде және басқа да орындарда тыныштық толық сақталады.
• Қоғамдық орындарда әйелдерге иықтарды, кеуде аймағын және тізелерді жабатын қарапайым киім таңдауға кеңес беріледі.
• Қонақүйлердің өзінде қонақтар үшін арнайы намаз оқуға арналған аймақтар қарастырылған: жайлы намазханалар (мусалла), ал кейбір жағдайларда тұрақты имамы бар толыққанды мешіттер (масджидтер) де бар.
• Бөлмелерде де діни құлшылықтарды жайлы орындауға барлық жағдай жасалған: сіз онда жайнамазды, көбінесе Құран кітабын, тәспіні және құбыла бағытын көрсеткішті таба аласыз.
• Дәрет алу үшін суға ыңғайлы қолжетімділік қарастырылған.

1. Түркия – Ислам ынтымақтастығы ұйымы (ИЫҰ) елдері арасындағы экономикалық көшбасшылардың бірі және ИЫҰ-ға мүше елдер ішінде барлық төрт экономикалық және демографиялық санат бойынша үздік 10-дыққа кіретін жалғыз мемлекет.*
2. Түркия курорттары еуропалық мұсылмандар мен жергілікті тұрғындар арасында бұрыннан танымал. Ал мұндағы ЖОО-да туризм және қонақжайлылық саласында халал қонақжайлылықтың ерекшеліктері оқытылады. Бұл қызмет көрсету деңгейінің, орта мен өнімнің діни талаптарға сай болуын қамтамасыз етіп, заманауи нарықтың сұраныстарына жауап беруге мүмкіндік береді.
3. Нәтижесінде: өткен жылғы GMTI рейтингінде Түркия 4-орынға ие болып, тек Индонезия, Малайзия және Сауд Арабиясына жол берді.*

Түркияда халал қонақүйлердің үш түрі бар:

Халал тағамдары бар қонақ үйлер — сертификатталған халал асханасы бар қарапайым қонақүйлер.
Жартылай халал (Muslim-friendly Hotels) — Халал тағам ұсынады, бірақ мұсылман еместерге де қызмет көрсете алады.
Толықтай халал (Islamic Hotels) — 100% халал жағдайларды қамтамасыз етеді, соның ішінде бөлек жағажайлар, хауыздар, СПА және мүлдем алкогольдің болмауы.
Бүгін біз сіздермен бөлісетін ұсыныстар – толықтай халал талаптарына сай қонақүйлер.

📍 Алания

Бұл орын араб туристері мен консервативті түрік отбасылары арасында танымал.** Бұл – өңірдегі ең сәнді халал қонақүйлердің бірі, және ол алкогольсіз all inclusive жүйесі бойынша жұмыс істейді. Кең аумаққа ие, бірақ артық кеңістік сезімін тудырмайды: 45 000².

Мұнда жайлы демалу үшін не қарастырылған?

• Жағажай мен хауыздар— қалауыңызға қарай. Мұнда тұщы сумен толтырылған жабық бассейндер және сырғанақтары бар ашық хауыздар бар: тұщы және теңіз суымен. Ерлер мен әйелдерге арналған бөлек аймақтар қарастырылған, ал әйелдер бөлігінде фотоаппарат, смартфон және басқа да техниканы пайдалануға тыйым салынған. Сонымен қатар, 6 жастан асқан ұл балалар ерлер бөлігінде демалады. Отбасылық демалысқа арналған жағажай мен хауызда ортақ аймақтар да қарастырылған. Бұл жерде әйелдерге ашық шомылу киімі мен бикини кию ұсынылмайды.
• Фитнес және СПА — ол да бөлек: ерлер, әйелдер және отбасылар үшін.
• Тамақтану: халал және жеке шекараларға қамқорлықпен Негізгі мейрамханадан бөлек, мұнда тіскебасарлар, тоқаштар мен балмұздақ ұсынатын кафе, османдық асүйі бар а-ля карт мейрамхана, сондай-ақ отбасылық және әйелдерге арналған бөлек мейрамханалар бар.
• Бөлмелер-ойластырылған бөлшектермен. Терезеден теңіз көрінісі ашылады, және қай бөлмеде тоқтасаңыз да, шкафтан жайнамаз бен Құран кітабын таба аласыз.
• Жұма намазына қонақтарды мешітке тегін жеткізіп, қайта алып келеді.

📍Алания

Оны көбінесе түріктер мен Азиядан келген туристер (әсіресе Индонезия мен Малайзиядан) таңдайды** Бұл – Түркиядағы ең ескі халал қонақүйлердің бірі, және ол: алкогольсіз ultra all inclusive жүйесі бойынша жұмыс істейді. Қонақүй жағажайы “Көк жалаумен” белгіленген.*** Аумағы өте кең: 106 мың м².

Мұнда туристер үшін қандай жағдайлар жасалған?

• Қонақүй аумағында негізгі мейрамхана, үш а-ля карт мейрамхана, сондай-ақ жайлы кафелер мен жеңіл тағамдар ұсынатын бұрыштар жұмыс істейді – мұнда ешкім аш қалмайды.
• Қонақ үйдегі хауыздар мен жағажай бөлінген: әйелдерге арналған аймақ биік қабырғамен қоршалған, сондықтан олар өздерін тыныш және еркін сезінеді. Ал қонақүйдегі дүкенде сіз буркини сатып ала аласыз. Хауыздың екінші бөлігі ерлерге арналған.
• Балалар үшін шағын клуб және екі ашық хауыз бар. Олардың бірі-әйелдер аймағының жанында, сондықтан аналарға сәбилерді қарау ыңғайлы. Онда төрт су сырғанағы және қарақшылар кемесі бар.
• СПА-орталығы — ерлер мен әйелдерге арналған бөлек аймақтары бар.
• Вестибюльде намаз уақыттары көрсетілген, ал бөлмелерде қонақтар үшін намаз кілемшесі, Құран кітабы және тәспі дайындалған. Сондай-ақ, қонақүй аумағында мешіт бар, онда имам күніне бес уақыт намазды жамағатпен бірге өткізеді.
• Жаз мезгілінде кешкі уақытта концерттер мен шоулар ұйымдастырылады: жанды орындаудағы концерттер, «Түрік түні» сияқты тақырыптық кештер, байқаулар, билер және бүкіл отбасыға арналған ойын-сауық бағдарламалары өткізіледі.
• Күндіз де жалығуға уақыт болмайды: бассейндегі ойындар, су полосы, аэробика, йога, жағажай волейболы, дартс, атыс жаттығулары және тіпті экстримге толы мини-турнирлер өткізіледі.

Көріп тұрғаныңыздай, бұл қонақүйлер рухы, атмосферасы және демалыс стилі жағынан әртүрлі. Дегенмен, әрқайсысында тамақтану, жеке кеңістік және діни әдет-ғұрыптарды орындау үшін барлық жағдай жан-жақты ойластырылған. Шын мәнінде, мұнда тыныш әрі жайлы демалуға болады.

Егер сіз ойша Түрік ривьерасындағы шезлонгта демалып жатсаңыз – міне, Join UP!™ арқылы сол жерге қалай жетуге болатыны туралы.

---

* https://www.crescentrating.com/reports/global-muslim-travel-index-2024.html
** https://www.researchgate.net/publication/340324366_Halal_Tourism_The_Practices_of_Halal_Hotels_in_Alanya_Turkey
*** https://www.selgebeachhotel.com/ru/ngrdsrtifikt#gal74-20