Басты бет
Жаңалықтар
Будван Ривьерасын зерттейміз: Бечичи мен Петровац бойынша біздің гидіміз

Будван Ривьерасын зерттейміз: Бечичи мен Петровац бойынша біздің гидіміз

Біз Join UP!-та әрине аяқасты саяхатты жақсы көреміз: жолдорбаға ең қажетті заттарды жинап ала салып, көзіңді тарс жұмып, бір бағытты таңдап, тәуекелге бел буып шығып кету нағыз қызық емес пе!

Бірақ алдағы сапарды мұқият жоспарлағанды да соншалықты жақсы көреміз, өйткені ол жаңа елдерді зерттеумен қатар рахат сыйлайды. Черногорияның шипажайлары туралы көбірек қызықты ақпарат алып, оның үстіне саяхатқа баруға қай елді таңдасам, қай жерден чорбаның дәмін татсам, отбасымды түгел жинап қайда апарсам, жаңа аватаркаға арналған фотоны қайта түсірсем екен армандауды ұсынамын. Ал, онда Бечиче мен Петровацадан бастайық — бұл керемет Будван Ривьерасының бір бөлшегі.

Шипажайдың картасын қарау

Ал біз ескерте кетейік, Черногорияға Join UP!-пен бірге саяхат дегеніміз:

Air Astanaның қанатында жайлы ұшу. Қазақстанның екі қаласынан ұшамыз:

	Алматыдан Подгорицаға — дүйсенбі, сәрсенбі және сенбі сайын;
	Нұр-Сұлтаннан Подгорицаға — бейсенбі және жексенбі сайын.

Еліміздің аса танымал шипажай қалаларына көптеген танымал экскурсиялар.
Кез келген демалу форматына арналған теңдесі жоқ нұсқалары бар үлкен қонақүйлер базасы. Мысалы, мыналар:

БЕЧИЧИ

Ерекшеліктері:

Атмосферасы. . Бечичи —шағын әрі тыныш орын. Бұл қалашық бір жағынан ірі шипажайлардан кең тау жолағымен және екінші жағынан шексіз теңізбен кесіліп тастағандай. Бұл жерге тыныштық пен жалғыздықты іздеушілер келеді. Тіпті қатты ыстық күннің өзінде жағажайлардан тыныш оңаша жер тауып алуға болады, ал жағажайдағы қонақүйлердің аумағында қонақтардың оңашалануына мұқият қамқорлық жасалады.
Таза жағажайлар.. Жергілікті халықтың мақтан тұтуына әбден лайық жер. Осы шипажайдың бас жағажайы тазалығы үшін ең жоғары марапат- «Көк тумен» марапатталған.
Будваға жақындығы.. Жаныңыз әлдебір өзгерісті қалап, жайлы тыныш қаладан өзге жерге шыққыңыз келеді ме? Адам көп жиналатын үлкен Будва шипажайымен танысуға тартып кетіңіз, оның үстіне бұл шипажай өте жақын небәрі 3 шақырым жерде орналасқан. Бұл жерде сізді сергіткіш контраст күтіп тұр — көптеген сауық мекемелері, шопингке арналған жерлер және Ескі қаланың көрікті жерлері.

Қайда бару керек:

Будвадан Рафаиловичке дейінгі жол

Будвадан Рафаиловичке дейінгі жол. Бечичи мен Рафаилович — туған екі бауыр сияқты. Саяхатшылардың айтуынша біреуі қай жерде бітіп, біреуі қай жерде басталатынын аңғармай да қаласың. Сізге осы жолды жүріп өтуді ұсынамыз, оның үстіне ол мол қызыққа толы. Бұл жерді ешнәрсемен шатастыруға болмайды — теңіз бен орман массивінің бойындағы күтімі зор, талғамы кең променад.

Ескі Зәйтүн

2 000 жылдан астам уақыттан бері жайқалып тұрған ағашты көргіңіз келеді ме? Онда, қалашықтың табиғи көрікті жері- Ескі Зәйтүнге аттаныңыз, ол әлі күнге дейін жеміс беретін көрінеді. Ойланып көріңізші— осы жылдар бойына ол қаншама оқиғаның куәгеріне айналды! Ағаштың қасында ескі диірмен бар, ол фотоға арналған керемет декорацияға айналады. Жергілікті қарау алаңынан жағажайдың көрінісін тамашалауды ұмытпаңыз.

Қай жерден тамақтануға болады:

Promenada

Мекенжайы: : Bečići BB, Бечичи, Будва қауымы, Черногория

Азиялық асханаға бас июшілер осы мейрамхананың гүлдермен безендірілген үлкен террасасында рақаттанып отырып сушиден дәм татудан қашпас. Бұл жердегі аспазшылар қытай және жапон тағамдарын әзірлеуден нағыз майталмандар. Менюде балық пен теңіз өнімдерінің әуесқойларына арналған көптеген ұсыныстар табылады.

Palma

Мекенжайы: 7VMH+82Q, Рафаилович, Будва қауымы, Черногория

Мейрамхананың концепциясы толығымен өз атауына сай. Бірнеше биік пальма ғимараттың шатырын тесіп өткен сияқты. Бұл жердің конструкциясында оларға арнайы саңылаулар қарастырылған. Сондықтан осындай керемет ортада отырып плескавицаның немесе грильге піскен мидийдің дәмін татасыздар.

Atlantic

Мекенжайы: : Marina Bečića 1, Будва, Будва қауымы, Черногория

Көбінесе балық мәзірінен тұратын тағы да бір мекеме. Бұл жерде қонақтар балық немесе ет қосылған дәстүрлі «чорба» сорпасының, «Цецарь» мен сіздің сүйікті әдісіңізбен әзірленген асшаяндардың дәмін татуға кеңес береді. Таңқурай чизкейкі десерттің көркі. Кең верандадағы үлкен бақтың көлеңкесінен орын таңдап, осының барлығының дәмін татып көруге болады.

NOTA BENE:

Бір бокал шарап — 2 евродан басталады
Екі шезлонг пен шатырды жалдау — 10 евродан басталады
o Бока-Котор шығанағына сапар — 20 евро
.

ПЕТРОВАЦ

Ерекшеліктері:

Шипажай-емхана. Петровац —сұлу көріністерді тамашалап қана қоймай, әбден күнге қыздырынуға болатын черногориялық шипажайлардың бірі, сонымен қатар бұл өз денсаулығыңа күтім көрсетуге арналған керемет жер. Шипажайдың жағалау сызығынан жаяу баруға болатын жерде Орта ғасырдан бері аса танымал шағын жергілікті Игало емханасы орналасқан. Бұл жерге қазірдің өзінде адамдар ревматизмнен бастап псориазға дейін алуан түрлі проблемалармен келіп жатыр.
Орман. Петровацаның тағы да бір керемет ерекшелігі. Бұл жердегі көптеген жағажайлар қарағай орманы мен арша бұталарынан тұратын мықты қоршаумен қорғалған. Ауасы эфир майларымен қаныққан, пейзажы әдеттегі қалалық жағажайдан қатты ерекшеленеді.
Параплан. Шипажайлық кентті өзге жағынан көргіңіз келеді ме? Онда, парапланда ұшу үшін осы елдегі ең керемет жерлердің бірі болып есептелетін Лучица айлағына аттаныңыз. Экстремалды қызықты оқиға адреналин зарядын алуға және тәжірибелі нұсқаушының қадағалауымен 1 200 метр биіктіктен көрікті жерлерді тамашалауға мүмкіндік береді.

Қайда бару керек:

Кастио қамалы

Венециялық сәулеттің керемет үлгісі. Сыртынан қарасаң теңіз жағасындағы шатқалда тұрған ертегідегі қамал сияқты болып көрінеді. Баяғыда бұл жерде әскери гарнизон болған екен, кейін май мен шарап қорлары сақталған. Бүгінгі таңда бұл мұражайы, мейрамханасы, тіпті түнгі клубы бар нағыз мәдениет орталығы! Жазда оның қабырғасында өтетін тақырыптың фестивальдердің біріне тап болу мүмкіндігі жоғары.

Денсаулық соқпағы

Сондай-ақ Петровацте пайдалы серуендерге арналған дайын бағыт бар. Денсаулық соқпағы — бұл жағалау бойындағы жаяу жүргіншілер жолы. Бұл жерге балалармен серуендеу үшін, спортпен шұғылданып, қылқан жапырақты ауамен тыныстап, теңіз көріністерін тамашалау үшін келеді. Ұзақтығы 3 шақырымға созылып жатқан бүкіл жолды шамамен 1,5 сағатта жүріп өтуге болады. Бұл жол ежелгі Режевичи монастыріне барып тіреледі.

Әулие Элия шіркеуі

Сонау 15-ғасырда Петровацте салынып, қазіргі уақытқа дейін жұмыс істеп тұрған православие шіркеуі! Жексенбі сайын таңертең және үлкен діни мерекелер кезінде бұл жерде әлі де жоралғылар атқарылады. Бірақ жұмыс күндері бұл жерде тамашалауға тұрарлық дүние көп. Оның қалпына келтірілген алуан түрлі элементтерге бай ішкі көрінісін сағаттап тамашалауға болады. Сондай-ақ оның ішінде көптеген байырғы иконалар сақталған, олардың ішіндегі анағұрлым құндысы — Әулие Неделя образы, бұл черногорлықтар аса қатты қастерлейтін қамқоршы.

Қай жерде тамақтануға болады:

Roko Restaurant

Мекенжайыс: Nika Andusa bb, 85300 Петровац, Черногория

Бұл жерде ет төрден орын алады! Егер сіз нағыз ет құмар адам болсаңыз, осы жерге келудің ретін табыңыз. Көзден таса, шағын ғана тұйық көшеде орналасқан мейрамхана дәстүрлі әдістермен әзірленген тіл үйіретін кәуаптарды, шырынды стейктерді, нән котлеттерді ұсынады. Осының барлығы кең ауқымды жинаққа енген жергілікті шараптармен бірге қосылғанда тіпті ұмытылмас әсер қалдырады.

Castle Solis

Мекенжайы: Castello, Петровац, Черногория

Кастио қамалының қабырғасындағы сол атақты мейрамхана мен түнгі клуб. Бұл Черногорияның мәдени кеңістігіне ену мен гастрономиялық тәжірибені біріктіруге арналған керемет жер. Бұл жерде кеш сайын джаздық және блюздік музыканттар өздерінің тосын концерттерін ұйымдастырады. Түнге қарай ырғақ анағұрлым шабытты бола түседі, ал ғимарат әртүрлі оттармен әрленеді. Ақырында сіз шипажайдың ең жарқын би алаңынан бірақ шығасыз.

Fortuna Restaurant

Мекенжайы: 6W4Q+HJJ, Петровац, Черногория

Бұл жердің еттің орнына балықты қалайтын адамдардың көңілінен шығары сөзсіз. Мұнда оны әртүрлі әдістермен әзірлейді — салаттар мен тіскебасарлардың құрамында, пісірілген түрде және ашық отта. Сонымен қатар балауса теңіз өнімдерінен әзірленген тағамдар, атап айтқанда грильдегі мидийді ерекше атап өту керек, олар ақ немесе қызыл тұздық астында беріледі.