Абу-Дабиде бір аптаның ішінде не көруге болады?
7-күн: Warner Bros. World™ Abu Dhabi
Заттарды шамаданға жинау бойынша қара белбеуді қалай алу керек
Сүйікті кітабымды алайын ба, әлде тағы бір худи салып алайын ба? Ақ кроссовки ме, әлде қарасын ба? Екеуін де чемоданға қалай сыйғызсам екен? Ыңғайлы да, фотода да сәнді көріну үшін сафариге не кисем екен? Оған қоса, кәдесыйларға да орын қалдыру керек… Саяхатқа чемодан жинай бастаған кезде осындай ойлар мен дилеммалардың қаншасы туындайды десеңізші. Шынында, дәл осындай сәттерде бәрін қажетті деңгейде жинауға тек ерекше қабілеті бар адамдар ғана көмектесе алатындай көрінеді, солай емес пе? Әлде бұл қабілетті басқаша меңгеруге болады ма екен?
Біз тәжірибелі саяхатшылармен сөйлесіп, олардың әдеттерін байқадық. Жинақталған тәжірибеге сүйене отырып, кішкентай ғана шамаданмен күресте қара белбеуді қалай алуға болатыны туралы нұсқаулық әзірледік. Сонымен, рингтің оң жағында – турист, ал сол жағында – сол бір шамадан. Жекпе-жек басталды!
1-РАУНД: ЖОСПАРЛАУ
Саяхат кезінде қажет заттардың тізімін жасаңыз және мұны қарсыласқа бағытталған қуатты джеб* деп есептеңіз. Бірақ мұның бәрін қалай дұрыс жасауға болады?
Талдаңыз:
Сапардың ұзақтығы.
Жолға кететін уақыт.
Демалатын елдегі климат пен ауа райы .
Сапар барысында сізді күтетін белсенділіктер.
Сапар кезінде киімді жуу және үтіктеу мүмкіндігі бола ма.
Брондалған апартаменттерде немесе қонақүйде қандай заттар болады. (Қалай ойлайсыз, сүйретпелер, сүлгілер мен феннің орнына қанша түрлі зат алуға болады.)
Капсулалық луктарды ойластырыңыз
Мұндағы басты ереже – жеке заттарды емес, жиынтықтарды ойластырыңыз. Яғни, тек қана ұнайтын заттарды емес, бір-бірімен үйлесетін және сапардың стиліне сәйкес келетін киімдерді алуды ойластырыңыз. Есіңізде ме, “The Sims” немесе басқа бейнеойындардағы кейіпкерлер үшін киім таңдағанда қалай болғанын? Енді өзіңізді сол кейіпкер секілді сезіну уақыты келді. Шкафтағы барлық заттарды шығарып, осы сапарға арналған капсулалық гардероб жасаңыз. Сонда шамадан толы болғанымен, киерге ештеңе жоқ деген сезім болмайды.
Капсулалық аутфит жинауға арналған бірнеше ереже:
- Жоғарғы киімдерді (футболкалар, блузкалар, свитерлер) төменгі киімдерден (белдемшелер, шалбарлар) көбірек алыңыз. Неліктен? Біріншіден, оларды жиі ауыстыру керек. Екіншіден, дәл жоғарғы киімдер бейнеңіздің көзбен қабылдануын қалыптастырады. Расында, сапардағы фотосуреттерде үнемі бірдей көрінгіңіз келмейді ғой?
- Аксессуарларды ұмытпау. Алқа мен әшекейлер, орамалдар, мойынорағыштар, көзілдіріктер, бас киімдер, стильді сөмкелер… Мұның бәрі бейнеңізге керемет акцент бола алады.
2-РАУНД: ШАМАДАНДЫ ОРАУ
Travel Fashion Week** ойынын ойнап болдық, енді бәрін жинау уақыты келді. Білеміз, дәл осы сәтте шамаданға қарап, бірден терлей бастайсыз. Бірақ біз ондай арандатуларға берілетіндерден емеспіз ғой.
Тиімді ораудың негізгі ережелерін сақтаңыз.
- Барлық үлкен және көлемді заттарды (худи, күрте, көлемді аяқ киім) бірден киіп алыңыз.
- Пакеттерден , аулақ болыңыз, себебі олар ауаны ұстап, көбірек орын алады. Оның орнына іш киімдерге, шомылу киімдеріне немесе тіпті жеке бейнелерге арналған матадан жасалған сөмкелерді пайдаланыңыз. Немесе күтпеген аперкот*** – Заттарға арналған герметикалық қапшық. Барлық киімді қаншалықты жинақы етіп орауға болатынына таң қаласыз.
- Киімдердің ішіндегі бос орындарды басқа заттарды орау үшін пайдаланыңыз. Мысалы, сіздің кроссовкаларыңыз – тамаша органайзер. Нені сақтау үшін? Әрине, шұлықтарды. Шынында да, оларды бос қалдырудың қажеті жоқ, себебі олардың ішіне бес жұп шұлықты салып қоюға болады.
- Аяқ киімді шамаданның түбіне, бүйірлеріне салыңыз.
- Көбінесе киімдерді (футболкалар, шолақшалбарлар, свитшоттар) түтікше етіп ораңыз, сонда олар аз орын алады және бүктемелер аз болады.
- Шалбарды шамаданның түбіне балақтары сыртта қалатындай етіп салыңыз. Үстіне басқа киімнің орамдарын қосып, балақтармен жабыңыз. Егер сіз екі жұп шалбар алсаңыз, оларды балақтары қарама-қарсы бағытта ілулі болатындай етіп бүктеңіз..
- Сіз киімейтін көлемді заттарды (күртелер, свитерлер, кардигандар) соңына қалдырыңыз, олармен барлық заттарды жабуға болады.
- Шамаданның шеттеріндегі бос орынды түрлі ұсақ заттарға : пайдаланыңыз: қуаттағыштар, белдіктер, аксессуарлар.
- Егер сүлгі алудың қажеті болса, саяхатқа арналған микрофибрадан жасалған сүлгіні алыңыз. Біріншіден, ол көп орын алмайды, екіншіден, тез кебеді.
- Сынғыш заттарды шамаданның ортасына салыңыз.
- Сүйікті косметикаңыз бен күтім құралдарының саяхатқа арналған нұсқаларын ойластырыңыз немесе бәрін кішкентай бөтелкелерге құйыңыз, тіпті ұшақпен саяхаттамасаңыз да. Ал егер ұзақ уақытқа сапар шегуді жоспарласаңыз, оларды сол жерде немесе Duty Free дүкенінен сатып алу, тіпті, ақылға қонымды болар.
- Жолда қажет болатын заттарды кішкентай жол сөмкесіне немесе бананкаға салыңыз: ақша, құжаттар, құлаққаптар, телефонның қуаттағыштар, майлықтар, телефондағы SIM-картаны ауыстыру үшін кілт, шекарадан өткенде оны жылдам жасау үшін, дәрі-дәрмектер.
Және ақырғы хук***. Егер бұл саяхатта «көрсетуге» қатты қалаған тағы бірнеше футболка сыймай жатса, лайфхакты қолданып көріңіз. Чемоданды бірнеше уақытқа тігінен қойып қойыңыз, кейін қайтадан заттарды орап көріңіз. Мұның көмегімен бәрі сәтті болуы мүмкін.
Вуаля! Сіз шамаданмен күресте жеңіске жеттіңіз. Бұл керемет нокаут! Барлық заттар оралған. Иә, «airport tray aesthetic»**** трендінің ТикТок жанкүйерлері сізге қызғана қарайтын болады. Енді өзіңізді саяхатқа заттарды жинау бойынша чемпион деп батыл түрде атауға болады.
* джеб – бокстағы ең көп таралған соққы, оны дәл соққы деп те атайды. Ол жақын қолмен жасалады және жиі қолданған кезде қарсыласты шаршатуы мүмкін.
** ағылшын тілінен: туристік сән көрсетілімі
*** бокстағы соққылардың түрлері, көбінесе нокаутқа дейін.
**** TSA airport tray trend – Соңғы бірнеше айда TikTok пен Instagram-да танымал болған тренд. Адамдар әлеуметтік желілерде күннен қорғайтын көзілдіріктер, аяқ киімдер, косметика, кітаптар, құжаттар және басқа да саяхат заттарының әсем түрде орналастырылған суреттерімен бөліседі, олар әуежайдағы кедендік тексеруден өту үшін арналған науаларда жатады.
