КакҚандай жаңалықтар: шоколадты феномен, әуежайлар жұмбақтары, ғарыш

Неліктен адамдар рейсті күтіп отырған кезде ситком кейіпкерлері сияқты әрекет етеді, мүмкін біз әлемдегі пісте қорын жақында жеп тауысыптастаймыз ба, ал Ұлы Египет мұражайы ақыры ашылатын болды ма? Тезірек оқыңыз.

15 маусымнан кейін үлкен Египет мұражайы толық ашылуға мұқият дайындалу үшін есіктерін уақытша жабады. Бұл көптен күткен салтанатты рәсім 2025 жылдың 3 шілдесіне жоспарланған.

Осы уақытта Гиза үстіртінде қозғалыс қайта жанданды:

• Кептелістерді азайту үшін Marriott Mena House маңындағы тарихи кіреберістің орнына жаңасы ашылды: Фаюм тас жолының жағында, пирамидалар кешенінің оңтүстігінде.
• Жеке көліктер мен туристік автобустар енді үстіртке бармайды. Енді мұнда әр бес минут сайын электробустар қатынайды.

Бірінші жұмыс күнінде мұндай режимде үстіртке 14 мың турист келді, бұл өткен күнмен салыстырғанда 18% көп, ал өткен жылдың дәл осы кезеңімен салыстырғанда 68% артық.

Енді Анталия әуежайы жылына 65 миллион жолаушыны қабылдай алады — оны кеңейту бойынша үш жылдық жұмыс аяқталды.

Терминалдардың алаңы дерлік екі есе ұлғайды: халықаралық Т2 терминалы енді 225 мың м² аумақты алып жатыр, ал ішкісі — 75 мың м². Ұшақтарға арналған тұрақ орындары мен техникалық қызмет көрсету ангарларының саны артты. Үш түрлі деңгейдегі лаунждер пайда болды, Барлық лаунждерде тікелей шығу жолы бар жеке дьюти-фри дүкені орналасқан. Дүкендер мен мейрамханалармен бірге лаунж-алаңы алдыңғыдан дерлік үш есе үлкен аумақты алып отыр. Қазір әуежайда 28 мейрамхана мен кафе жұмыс істейді, сондықтан түрік қонақжайлылығын бірінші сәттен-ақ сезінуге болады.

Мұндағы ас мәзірінің сәніне айналған гастрожоба — Taste of Anatolia, дәстүрлі аймақтық тағамдардың қазіргі заманғы түсіндірмесі, оны Омюр Аккордың қатысуымен жасалған. Бұл танымал бас аспаз, сонымен қатар 25 жыл бойы Түркияны аралап, жергілікті аспаздық дәстүрлерді зерттеп, осы тақырыпта 25-тен астам кітап пен 200 мақала жазған.¹

Тәжірибелі саяхатшылар көптеген құпияларды біледі. Футболкаларды ұқыпты орап, шифонды көйлектер мен жібек жейделерді бүкпелерден сақтап, жартылай мөлдір тишью қағазбен орауды меңгерген. Алайда, әуежайға келгенде, көп рет ұшқанның өзінде адамдар жиі ерекше мінез-құлық танытады.

Сіз костюм киген салмақты адамдардың галстугын иығына салып, залдармен асығыс жүргенін көрген боларсыз. Көпшілігі таңғы уақытта фудкортта бірінші бокалдан әлдеқайда көп ішіп отырғанын байқасаңыз, енді біреу қолжүгінде үш затты, толық косметикалық сөмкені немесе минералды су бөтелкесін өткізіп жіберуге үміттеніп отыр. Жақтаулар белдік қапсырмасы мен кілттерге реакция жасамайды, ал көршілер планшеттегі ойынның максималды дауысына қарсы болмайды. Неліктен бұлай болады?

Лидс университетінде, Ұлыбританияда, бұл құбылысты ирландтар мен кельт мифологиясын жақсы көретіндер áit caol (айт кил деп оқылады) деп атайтын нәрсемен ұқсастырды — әлемдер арасындағы шекаралар жоғалатын жұқа орын. Жұқа жерде біз өтпелі кезеңде тұрып қалғандай боламыз: біздің жағдайда, таныс өмірден қалаған болашаққа қарай. Назарымыз сол жерге, мақсатқа бағытталған — ал мұнда және қазір болып жатқан нәрсе маңызды болмай, біртүрлі жалған сияқты сезіледі. Демек, таныс ережелер де әрекет етпей, тоқтағандай болады. Сол себепті адамдарды рейс күтудегі мәжбүрлі тосылыс соншалықты ренжітеді — бұл Сізді, шатырдағы кешке апару керек болған жеделсатыда тұрып қалу сияқты.

Мұны айту біртүрлі, бірақ дүкен аралау сәнге айналды. Көптеген саяхатшылар классикалық экскурсиялардан кейін супермаркетке тек шартты түрде су мен протеинді батончик алу үшін емес, сол жердегі сөрелерді зерттеуге барады: таныс емес брендтерді қарап, ерекше тіскебасарларды татып көру үшін, не болмаса кәдесый ретінде бірдеңе сатып алады.

Мұндай қызығушылықтың көп бөлігі TikTok-тан туындап отыр: кейбір қолданушылар қазір күлкілі қаптамалар мен дәмді тағамдарды татып көрумен жарқын витриналарға бейне шолу жасасп, ал мыңдаған көрермендер кейіннен соны сатып алу үшін іздеуге шығады. Дубайлық шоколадпен де осылай болды: TikTok-та 124 миллионнан астам қаралым және 7 миллионға жуық лайк жинаған бейнеден кейін, бұл тәтті танымалдық шыңдарына көтерілгені сонша, Financial Times деректері бойынша, бұл — тек ойлап көріңізші! — әлемдік пісте тапшылығын тудыруы мүмкін.²

Жақында жүргізілген тағы бір зерттеу мұны анықтады:

• Әлемдегі ең танымал супермаркеттердің қатарына испандық Carrefour филиалдары кірді — әрбір мекеме айына шамамен 1 900 іздеу сұрауын тудырады.
• Әлемдегі ең танымал сауда орталықтарының бестігіне сондай-ақ Таиландтағы 7-Eleven нүктелері енді — олар Instagram-да дайын тағамдары арқасында вирусқа айналды: әсіресе, пад кра пао (Ұсақталған ет, чили, сарымсақ, соя тұздығы және насыбайгүлмен дәмделген) және жасыл карри.

Қандай да бір даулар болса да, бұл ақыры орын алды! 14 сәуірде Blue Origin компаниясының 11-ші суборбиталық ұшуы — NS-31 іске асты. Суборбиталды — бұл зымыран 100 км-ден жоғары, ғарыштың шартты шекарасына-Карман сызығына дейін көтерілген кезде. Онда сіз салмақсыздықты сезініп, Жердің қисықтығын көре аласыз.

Алты жолаушы бортта 10 минут 21 секунд өткізді.³ Бұл 1963 жылы алғашқа әйел орбитаға шыққаннан бері тек әйелдерден тұратын алғашқы экипаж болды.

Таңдалған командада Кэти Перри болды — 115 миллиардтан астам стримы бар музыкалық орындаушы, рекордтық сатылымы бар әртістердің бірі⁴ (миллениал, деген сөзді қолданбай, Сіздің миллениал екеніңізді айтыңызшы). Ұшу барысында ол «What a Wonderful World» әнін орындады* — және бұл бүгінгі күні бізге қандай мүмкіндіктер ашылатынын білдіретін керемет символдай естіледі. Ғарышқа коммерциялық ұшу — тек жаңалықтар тізіміндегі бір ғана оқиға, әрі ол бірінші емес. Бұл ең батыл армандардың да жүзеге асатынын көрсететін Сіздің бір белгіңіз болсын.

---

¹ gastromasa.com
² nypost.com
³ en.wikipedia.org
⁴ blueorigin.com
* Ағылш. Неткен ғажап әлем — 1967 жылы Луи Армстронг алғаш рет жазған хит әнінің атауы