#қандай жаңалық: Дубайдағы маусымның басталуы және ең жақсы МІСЕ-дестинациялар

Туристік рейтингтер, марапаттар, келушілердің жаңа рекордтары, жазғы демалыстан кейінгі маусымға дайындық… Саяхат әлемінде өмір қызу қайнап жатады. Бірақ Сіздерге бірнеше минутқа көңіл бөліп, кофе немесе шай ішіп отырып біздің саладағы #қандай жаңалықтарды оқуды ұсынамыз.

10 қарашадан бастап Еуропада биометриялық мәліметтер бойынша шетелдіктердің кіруі мен кетуін тіркеу үшін EES жүйесі іске қосылатын болады. Төлқұжаттарға мөртабандар енді қойылмайтын болады, ал жүйе саяхатшының атын, жол жүру құжатының түрін, биометриялық деректерді және ЕО-ға кіру және шығу күні мен орнын автоматты түрде тіркейді.

Вьетнамда World MICE Awards бесінші марапаттау рәсімі өтті. Дубай «Таяу Шығыстың үздік МІСЕ-дестинациясы» мен «Әлемнің үздік МІСЕ-дестинациясы» номинациялары бойынша бас жүлдеге ие болды. Ал қаланың көрме орталығы «Үздік кәсіби іс-шараларды ұйымдастырушы», «Таяу Шығыстың үздік конференц-орталығы» және «БАӘ-нің үздік конференц-орталығы» номинациялары бойынша жеңімпаз атанды.

Абу-Даби және Дубай – аймақтағы өмір сүруге арналған қалалардың жоғарғы қатарында

Абу-Даби мен Дубай Таяу Шығыс пен Африканың өмір сүруге ең қолайлы қалаларының қатарына кірді, сонымен қатар әлемдегі ең қауіпсіз орындар арасында сәйкесінше бірінші және бесінші орындарды иеленді.

Дубайдағы жаңа Global Village күндері белгілі болды

2024 жылдың 16 қазанында Дубайда Global Village-тің 29 маусымы ашылады. Бұл көрмелер, аттракциондар, ойын-сауық бағдарламалары және концерттері бар БАӘ-дегі ең үлкен жәрмеңкелердің бірі. Оған 2025 жылдың 11 мамырына дейін баруға болады.

Дубайдағы аттракциондар жазғы демалыстан кейін оралады

Дубайдың бірнеше көрікті жерлері ашылды немесе жазғы үзілістен кейін жаңа маусымда қайта бастау күнін жариялады. 11 қыркүйектен бастап Garden Glow тақырыптық саябағына, ал 1 қазаннан бастап Сафари саябағына баруға болады.

Дубайдағы жаңа интерактивті аттракцион

Majid Al Futtaim Entertainment және Activate Games Таяу Шығыс пен Африкада алғаш рет ойындар мен фитнесті біріктіретін интерактивті ойын-сауық іске қосатын болады. Activate – бұл нақты уақыт режимінде жауап беретін және адреналинге толы шытырман оқиғаларды тудыратын инновациялық технологиялары бар тоғыз динамикалық ойын бөлмесі.