#қандайжаңалықтар: тауашалық туризм, киберспорт, ғарыш

Рекордтар, рейтингтер, жаңалықтар — туризмнің әр күні жаңалыққа толы. Сіздер үшін соңғы уақыттағы ең қызықтыларын жинастырдық: қай жерде тамақтануға, ал қай жерде қашықтан жұмыс істеуге болады, зәйтүн тоғайын тамашалау үшін қайда баруға және жұлдыздарға қай уақытта жақыннан қарауға болады.

Eater.com нұсқасы бойынша 2024 жылы гастротуризм үшін ең танымал бағыттар тізіміне мыналар кірді:

• Каир, Египет. Бұрын иммигранттық қоғамдастықтар үшін ас әзірлеген филиппин наубайшылары мен эфиоп аспаздары енді есепсіз және әр алуан жұрттың көңілін аудартады. Ал қаланың заманауи аудандары мен сауда орталықтарында жоғары класты мейрамханалар ашылуда.
• Измир, Түркия. Фермерлік өнімдерден жасалған үй тағамдары бар таверналар талғампаз жағажай клубтары мен элиталық мекемелермен алмасады. Od Urla, Vino Locale, Teruar Urla мен Amavi-де үстелді алдын ала брондау қажет.
• Удонтхани, Таиланд. Мұнда ащы-қышқыл исан асханасы орнаған — мүмкін, сіз оның дәстүрлі салаттарының дәмін татқан боларсыз: сом там, нам ток, лаб. Вьетнам қауымы көшенің нәрлі таңғы астарының әр алуандығына бан ми мен кай катаны қосады. Ал жергілікті бас аспаздар гурмандар үшін тағамдарды енеке етінен және орман саңырауқұлақтарынан дайындайды.

Дәмсараптары бар шарап және аспаздық турлар туралы көбі білетін болса, зәйтүн туризмі – зәйтүн майына арналған саяхаттар туралы тек бұрынғы ізбасарларға мәлім.

Жуырда Compare The Market зерттеу жүргізіп, зәйтүн туризміне арналған елдердің рейтінгісін құрды. Оның жоғары жолдарын Испания, Италия, Греция, Түркия және Албания иеленді.

Шілде айында Global Citizen Solutions 65 елге талдау жүргізген: визалық шығындар мен жеңілдіктерді, өмір сапасы мен құнын, интернет желісінің жылдамдығы мен қолжетімділігін, технологиялық инфрақұрылымды бағалады. Есепте олар қашықтан жұмыс істейтіндер үшін үздік бағыттарды атап өтті.

Тізімді Испания бастады. Ал жұмысы ноутбукқа байланысты адамдардың көбі Барселона мен Малагада жиналған — деп хабарлады EuroNews.

Ақпанның аяғында New Accor еуропалықтар арасында демалыс тақырыбында сауалнама жүргізген. Қорытындысында оңтүстік Еуропаның ең сүйікті елдері белгілі болды. Әрбір төртінші адам (23%) осы жылы Испанияға, ал шамамен әрбір сегізінші адам (13%) Португалияға немесе Грецияға баруды жоспарлап отырғанын айтты. Респонденттердің 54%-ы саяхатқа өткен жылдағыдан қарағанда көбірек қаражат жұмсайтынын атап өтті.

Ал нәтижесі мынадай: Грецияның туризмнен түсетін кірісі 2023 жылдың сәйкес кезеңімен салыстырғанда 2024 жылдың бірінші жартыжылдығында 12,2%-ға ұлғайған! INSETE-ден Airdata Tracker деректеріне сәйкес Грецияға тұрақты халықаралық рейстердегі орындар саны 8,2%-ға өсті.

Черногория Lonely Planet нұсқасы бойынша осы жылы, қыркүйектен бастап қарашаны қоса алғанда саяхаттар үшін Еуропаның 10 үздік елінің тізіміне кірді. Бұл уақытта мұнда жаяу сапарлар мен таулардағы трекинг үшін оңтайлы жағдайлар бар.

Бұдан басқа, елді Wanderlust Reader Travel Awards 2024 айтулы сыйлығында ең сүйікті еуропалық бағыт атағына тағайындады. Наградалар 6 қарашада Лондонда берілетін болады.

Бұдан біраз уақыт бұрын Need For Speed -тен¹ күшті аренаны елестету қиын болатын. Ал қазір — қабыл алыңыздар — Яс аралында орналасқан Ferrari Land-тегі бірегей айын-сауық аренасы! Салтанатты ашылуы 29 тамызда өтті. Мұнда Gran Turismo 20 симуляторы бар: 17 — ересектер үшін және 3 — балалар үшін. Жарыс жанкүйерлері Formula 1 қалыбына жан-тәнімен кірісіп, аңызға айналған тректерден — мысалы, Яс-Марина трассасын өткен кезде денеден өтетін адреналинді сезіне алады. Немесе міне, одан да күштірек идея: кибераренаға барып қана қоймай, 5–8 желтоқсанда Абу-Дабида болатын жарыс финалын өз көзімен көру. Біз бәрін ойластырып қойдық!

EOS-X Space компаниясы 2025 жылы Абу-Дабидан және Севильядан стратосфераға дебюттік ұшуларды жоспарлады. Бітеу капсулаларға ұшқышты қоса алғанда 8 адам сыяды. Сапар 5 сағатқа созылады деп күтілуде, оның ішінде 40 мың метр биіктіктен жолаушылар Жердің және көз жеткісіз ғарыштың пейзаждарын көре алады. Ұшу құны бір адамға шаққанда 150 мың евродан басталады.

2024 жылғы 1 қазаннан бастап Қазақстан азаматтары Шри-Ланкаға визасыз бара алады! Жаңа талаптар Қазақстанға және тағы 34 елге қатысты болады. Ал оған дейін бекітілген тәртіпті ұстанамыз: виза 60 доллар тұрады, 30 күнге дейін жарамды және елге бір рет кіруді көздейді.

Ғарышкердің термокомбинезоны, шомылу киімі, трекингтік аяқ киім немесе жеке техникаға арналған зарядтау кабелінен өрме — оқығаннан кейін келесі саяхатқа арналған тізімге қайсысы кіреді?

---

¹ Need For Speed — әлемдегі компьютерлік ойындардың және ойын медиафраншизаларының ең сәтті жарыс серияларының бірі