#қандайжаңалықтар: көктемгі трендтер, Балиде қандай жаңалықтар бар және тревел-инфлюэнсерлердің супер күші

Бүгін біз сіздерге табиғатқа және басқа да қызықты жерлерге арналған әдемі саяхаттар туралы таңдауды ұсынғалы отырмыз. Орналасу орындары, трендтер, фестивальдер және туристер үшін жаңа ережелер. Қызықты, инстаграмға лайықты және шабыттандыратын болады!

Flower-watching¹, гүлді немесе ботаникалық туризм – бұл саяхаттардағы жаңа трендтің атауы, қазіргі уақытта ол танымалдықтың шыңында.

Жақында ғана өсімдіктерге қызықтап қана қоймай, оларға күтім жасау да танымал бола бастады. Вack to nature² үрдісін қарсы алыңыз. Иә-иә, #backtonaturegirls хештегімен TikTok-та 15,3 миллионнан астам жазба жарияланған.

Сол себепті көктем бар да – сәтті жіберіп алмау керек!

Міне, сіздің «гүлді» туристеріңізге арналған тамаша ұсыныс – Ыстамбұлдағы қызғалдақтар фестивалі. 1 сәуірден 30 сәуірге дейін қаланың әртүрлі жерлерінде.

Пайдалы демалыс: Малайзияда тасбақаларды қорғау жөніндегі жоба іске қосылды

Малайзия Turtle Discovery Experience бастамасын іске қосты, онда саяхат пен табиғатты қорғауға үлес қосу мүмкіндігі тамаша үйлеседі.

Бұл бағдарламаның орталығы – Chagar Hutang Turtle Sanctuary тасбақалар баспанасы, ол Оңтүстік Қытай теңізіндегі жан тыныштығы мен құпиялылықты қамтамасыз ететін жағажайда жасыл теңіз тасбақалардың ең маңызды ұя салу орындарының бірі болып табылады. Онда туристер тасбақалардың тіршілігімен және мұхиттың биосаналуандығымен танысып, әртүрлі танымдық әрі пайдалы іс-шаралар арқылы тәжірибе алатын болады.

Ого-ого – бұл папье-машеден жасалған мүсіндер, әдетте адамның бойынан әлдеқайда жоғары, олар Балида Ньепи күніне дайындық ретінде шеруге арналып жасалады. Фестивальдің өзі аяқталса да, туристердің Гаруда-Вишну-Кенчана мәдени саябағында әйгілі мүсіндерді 10 мамырға дейін көруге мүмкіндігі бар. Көрмеде саябақпен көрші орналасқан қауымдардың тұрғындары жасаған 13 мүсін ұсынылған.

Lonely Planet 2025 жылдың жазына арналған Азия бағыттарының тізімін жариялады. Әрине, онда Бали де жоқ емес. Индонезияның Бали аралы ең көркем жерлермен танымал аймақ деп аталды. Редакциясының туду тізімінде – Убудты және жергілікті жағажайларды аралау, балийлік массаждан ләззат алу және «Арак» коктейлін татып көру.

Маңызды! Сапарға шыққанда, Балидегі туристерге арналған жаңа ережелерді қайта оқып шығуды ұмытпаңыз. Туристік алымнан бөлек, үкімет киелі және қоғамдық орындарда, экскурсияларды броньдау, көлік пен скутерлерді жалға алу кезінде мінез-құлыққа қатысты қатаң ережелер енгізеді, сондай-ақ бір реттік пластик қаптамаларды қолдануға тыйым салынатын болады.

TravelBoom маркетингтік агенттігі тревел-инфлюэнсерлерге қатысты соңғы зерттеу нәтижелерімен бөлісті. Белгілі болғандай:

• Туристердің 28%-ы инфлюэнсерлердің ұсыныстары негізінде тұрғын үйді брондайды, ал 37%-ы сапарды жоспарлау кезінде олардың кеңестеріне сүйенеді.
• YouTube қолданушыларының 57%-ы, ал Instagram қолданушыларының 54%-ы саяхаттар туралы инфлюэнсерлердің контентіне дәстүрлі жарнамаға қарағанда көбірек сенеді.
• Ұзақ бейнеконтент (бейнеблогтар, қонақүйге шолулар және саяхат күнделіктері) қысқа бейнелерге қарағанда, ұзақ бейнеконтент қатысу мен брондау тұрғысынан тиімдірек.

Есіңізге сақтап жүріңіз – әдемі саяхаттар ұйымдастырыңыз және басқаларды шабыттандырыңыз!

---

¹ Ағылшын тілінен Гүлдерді бақылау
² Ағылшын тілінен табиғатқа оралу