«Кез-келген дағдарыс – бұл, ең бірінші, орасан зор мүмкіндіктер», Максим Банин, HT.KZ турагенттіктер желісінің иесі

Біз синергия мен тәжірибе алмасудың біздің әрқайсымызға сүйікті ісімізде тезірек дамуға және өсуге көмектесетініне сенімдіміз. Және осының арқасында туризм саласы жалпы алғанда мықты әрі заманға сай болып келе жатыр. Сондықтан біз жаңа жобаны– Қазақстанның турагенттерімен, біздің бизнесіміздегі нағыз кәсіпқойлармен сұхбаттар топтамасын іске қосып жатырмыз. Және арманыңа еріп жүре алатын болсаң, қолдан келмейтін іс жоқ екенін дәлелдейтін шабыт беруші тарихтан бастайық.

Максим Банин HT.KZ турагенттіктер желісінің иесі HT.KZ

2006 жылы мен «Қазақтелекомда» инженер болып жұмыс істедім. Жасым 26-да болды, ол кезге дейін мен әлі бір де бір рет саяхатқа шығып көрмеппін. Жұбайымыз екеуміз Түркияға барамыз деп шештік, осы саяхатымызға ұзақ уақыт ақша жинадық және мұқият дайындалдық. Мен ол ел және қонақүйлері туралы көбірек білуге тырыстым, суреттер мен видеоларды қарадым, пікірлерді оқып, бағаларын салыстырып жүрдім.

Сол кезде мен саяхатқа дайындалудың – жеке бір рақаттану түрі екенін сезіндім. Өйткені қалай болатынын елестеткен кезде, ойша сол сәттерді бастан кешіріп жатасың.

Осынша мұқият дайындалғанымызға қарамастан, шынайы саяхаттан алған эмоцияларымыз қарапайым 3* отельде тұрсақ та, әлдеқайда әсерлі болып шықты. Әуежайдан келе жатып керемет 5-жұлдызды қонаүйлерге кіріп шықтық. Менің содан шабыттанғаным соншалық, үйге бара жатып-ақ маған саяхаттардың өздері де, оларды ұйымдастыру барысы да ұнайтынын түсіндім.

Дәл сол кезде мен Брайан Трейсидің «Миллионерлердің жетістіктерінің 21 құпиясы» аудиокітабын оқып, нұсқау бергендей барлық кеңестерін орындап жүрген болатынмын. Олардың бірінде – «Ауқымды армандаңыз» делінген, себебі адамдардың көбі мақсатына жеткен соң «деңгейін төмендетіп» жібергеніне өкінеді. Мен өз мақсатымды құрастырдым: «Қазақстандағы ең ғажап агенттікті жасап шығару!». Қазір кейде «Әлемдегі ең ғажап!» деп жазуым керек еді деп ойлаймын.

Ең қиын да, бетбұрысты жыл біз үшін 2020-шы жыл болды: коронавирус пандемиясы, шекаралардың жабылуы, белгісіздік. Компания жұмысын жалғастырып жатты – біз штатты қысқартқан жоқпыз, ешкімді жұмыстан шығарған жоқпыз, ешкімді «өз есебінен» демалысқа жіберген жоқпыз.

Менің сүйікті афоризмім бар: «Кез-келген дағдарыс – бұл, бірінші кезекте, орасан зор мүмкіндіктер». Сондықтан сол қиын-қыстау кездерде біз ұжымды сақтап қана қоймай, жалақы төлей алмаған немесе төлегісі келмеген фирмалардан келген кәсіпқой мамандармен толықтырдық. Сөйтіп 2021 жылдың өзінде өте нәтижелі жұмыс атқардық.

Пандемия, әрине, туристердің тілектері жағынан да, ұсынылатын бағыттар жағынан да нарықты аздап өзгертіп жіберді. Мен бірнеше негізгі үрдістерді бөліп көрсете аламын:

• Адамдар кеңсеге келуді аз қалайтын болған. Туристерге әлі де менеджердің кеңесі керек, бірақ ол үшін бара-бара онлайн-форматты жиі таңдауда. Тур бойынша құжаттарды да электрондық түрде жүктеп алуға болады, және бұл көп адамға қолайлы.Пандемияға дейін мұндай форматты бірең-сараң адам таңдайтын еді, клиенттердің көбі кеңседе көзбе-көз кездескісі келетін.
• Қазақстаннан пакеттік турларда бұрын болмаған жаңа бағыттар ашылды. Мысалға, Air Astana ұсынған тұрақты рейстермен Мальдив аралдары. Бұл мемлекет бізді негізі биыл құтқарып қалды, себебі ковидтен кейін адамдар осындай демалысты қалады – арал, адамның аз болуы, оқшауланған қонақүй, бейресмилік

Неліктен турагенттіктер әлі же жұмыс істеп жатыр? Неге адамдар өздері келеді? Оларға біреудің таңдауға көмектескені керек, себебі өзгешеліктері көп. Турист үшін менеджер – бұл сарапшы, ол бәрін бүге-шегесіне дейін біледі және қай қонақүйдің керемет екенін шын айтып бере алады. Клиенттер мұндай шынайылыққа сенеді.

Біздің командамызда мен мақтан тұтатын 250+ кәсіпқой бар, солардың арқасында HT.KZ Қазақстанда ең озық турагенттікке айналды. Пандемия кезінде біз ортақ құрылтайшыларымызбен бірге «Қауырт турлар адамдар» кітабын жаздық. Ол біздің тарихымызды, құндылықтарымызды, рухымызды және корпоративтік мәдениетімізді ашады және қазіргі де, болашақта да келетін қызметкерлерімізге арналған.

HT.KZ – бұл отбасы, сондықтан адамдарды іріктеп алу кезінде біз жеке басының қасиеттеріне көңіл бөлеміз, себебі мамандықтың техникалық тұстарын орта есеппен бір-бір жарым жылдың ішінде үйретуге болады.

Біздің жұмысымыздың басында біз Қазақстанда туристік бизнесті бұрынғыдан да мықтырақ еткіміз келді – және біз әлі де мақсатымызға адал боп келе жатырмыз. Біздің компаниясыз бен құлшынысымыздың арқасында біздің елімізде туризм жақсы дамыды. Украинаға келген кезімізде бұл саланың ол жақта қаншалықты жоғары деңгейде екенін көрдік: әуе билеттерін, турларды сатып алуға арналған керемет қосымшалар бар екен, ал Қазақстанда ол кезде агенттіктердің көбісінде тіпті сайттары да болған жоқ.

Тіпті қазір де, бір жаңалықты енгізе бастасақ, бұл басқаларды да ынталандыра түседі. Бұл өте керемет, өйткені сала жалпы алғанда үдеп, қазіргі заманға сай болып келе жатыр. Және біздің жаһандық мақсатымыз бұл осы бағытта әрі қарай және бұрынғыдан да жақсы жұмыс істеу болып табылады. Ал менің жеке мақсатым – бұл бақытты болу. Өйткені бүкіл әлемді жаулап алсаң да, бақытты болмауың мүмкін.

Тренингтердің бірінде дәріс оқушы залға шығып, былай деді: «Тиімділігі жоғары адамдардың 7 дағдысы» кітабын оқығандар, қол көтерсін». Залдың жартысы қол көтерді. Сонда ол былай деп жалғастырды: «Ал енді, сол 7 дағдыны атай алатындар қол көтерсін». Алайда ешкім айта алмады. Өйткені кітапты жай оқып шығу ол аз, оның ішінде жазылғандарды жасау, біліміңді іс жүзінде пайдалану қажет. Егер адамның проблемасы бар болса, соған ұқсас проблеманы шешкен адамды тауып, соның кітабын оқып шыққан жөн. Бірақ ең бастысы –әрекет жасау!

1. «Миллионерлердің жетістікке жетуінің 21 құпиясы» Брайан Трейси
2. «Шынайы дүниенің күші» Экхарт Толле
3. «Стили менеджмента» Ицхак Адизес

«Дамуға ұмтылу – біздің компаниямызда құрылған ахуал қалыптастыратын басты құндылықтардың бірі. Оған бәрі себепші: әлем шарлайтын корпоративтік сапарлар да, жұмыстағы уақытты ғана емес, бос уақытты да бірге өткізу дәстүрі де, компанияның қызметкерлеріне сенім арту және ұжымдағы отбасындағыдай қарым-қатынастар, оған қоса демократияшылдық, бастаманы көтермелеу, көшбасшының және оның ең жақын серіктестерінің жеке үлгісі. Біздің жетістігіміздің басты себебі осы».

«Арман – бұл қаншалықты орындалмайтын болып көрінсе де, қорқу үшін себеп емес. Арман болашағыңа жарық береді, күш-қуат алуға болатын көзіміз, батылдығымыз, табандылығымыз, сенімділігіміз, шабытымыз. Арман – бұл бір күрсініп, тәтті қиялға қашуға себеп болмау керек. Арман – бұл ұзақ болады деп алаңдамай, жолға жиналуға сылтау. Терең тыныс алып, алғашқы қадамды жасау керек».