Әлемдік рейтингтерге енген жағажайлар мен тағамдар, жарқын кабаре және Джеймс Бонд — мұның бәрі Пхукет жайында

Бұл мүлде кездейсоқ емес. Себебі мұндағы жағажайлар, табиғат, тарих, көше тағамдары және еркіндіктің жеңіл сезімі өзара үйлесіп, мінсіз демалыстың формуласына айналады. Мұнда әр күнді өзінше ерекше өткізуге болады. Ең бастысы — Instagram-дағы суреттердің соңынан қумай, аралдың шынайы атмосферасын сезіну. Мұны қалай жасаймыз? Міне, Join UP! ұсынған Пхукетке саяхатқа арналған нұсқаулық, ака⁵ жоспар парағы.

Пхукет әртүрлі жағажайларымен танымал: тыныш мүйістерден бастап таңнан кешке дейін өмір қайнап жататын орындарға дейін. Әр жағажайдың өз мінезі, суының түсі мен көңіл күйі бар.

Банана-Бич (Ко Хей аралында) — ертегідей маржан рифтерімен, судағы ойын-сауықтарымен және Tripadvisor⁶ нұсқасы бойынша әлемдегі ең үздік жағажайлардың бірі деген атағымен танымал.
Патонг-Бич — Аралдың жүрегі және түнгі өмірдің орталығы. Күндіз — шомылу мен шопинг, ал түнде — неон, барлар мен музыка.
Карон-Бич — Аралдағы ұзындығы бойынша үшінші жағажай, жайлы атмосферасымен ерекшеленеді — серуендеуді, отбасылық демалысты және адамдарға толы жерді ұнатпайтындар үшін таптырмас орын.
Ката-Бич — Жайлы әрі көңілді жағажай, төмен маусымда серфингшілердің ерекше сүйікті орны. Мұнда толқындар, кафелер және мәңгілік жаздың сезімі бар.
Ката Ной — Ката жағажайының шағын нұсқасы, бірақ атмосферасы тыныштау. Егер жай ғана құмда жатқыңыз келсе және теңіз дыбысына құлақ түргіңіз келсе — тамаша орын.
Сурин-Бич — Бұл жер Millionaire’s Row деген атаумен танымал, өйткені дәл осында жергілікті танымал тұлғалар демалады.
Най Харн-Бич — Мөлдір таза су, жасыл төбелер және табиғатпен үйлесім. Бұл — жергілікті йогтар мен тыныштық іздейтіндердің сүйікті орны.
Ао Сейн — Най Харнның жанындағы тасты жағажай. Оны снорклинг әуесқойлары ерекше ұнатады, себебі мұнда су мөлдір, балық көп, ал туристер аз.

Пхукеттің Ескі қаласы — қытай, португал және тай сәулетінің үйлесімі: түрлі түсті қасбеті бар жүз жылдық сарайлар, олардың көбі бүгінде кафе, мейрамхана, қонақүй мен бутикке айналған; көшедегі муралдар, кофеханалар және антиквариат дүкендері бұл жерге ерекше атмосфера береді. Міндетті түрде Чинпрача үйіне соғыңыз: ХХ ғасырдың басында ол аралдағы алғашқы “Ang Mor Lao” (жирен шаштылар үйі) болған, ал бүгінде викториандық жиһаз, итальяндық тақтайлар және қытай өрнектері үйлескен мұражайға айналған.

Тай асханасы әлемдегі ең танымал үздік-10-на кіреді⁷. Ал жергілікті көше тағамдары — жағажайлар мен ғибадатханалармен қатар елдің басты көрікті орындарының бірі. Иә, бұл — рас. Мишлен нұсқаулығының тобы жақында Пхукеттегі ең үздік көше тағамы сатылатын орындардың тізімін де дайындаған, сондықтан өз бағытыңызды таңдап алыңыз.

Және көше базарларын да ұмытпаңыз:

Пхукеттен көршілес аралдарға жету өте оңай, ал олардың саны ондаған: көгілдір мүйістері мен кештерімен танымал Ко Пхи-Пхи сияқты әйгілі аралдардан бастап, Ко Кай Ной сынды тыныштықта жасырына алатын шағын аралдарға дейін бар. Олардың көбіне катермен немесе дәстүрлі лонгтейл қайығымен оңай жетуге болады.

Міндетті түрде баруға тұрарлық орындардың арасында — әйгілі Джеймс Бонд жартасты Пханг Нга шығанағы және Леонардо Ди Каприо түскен «Жағажай» фильмі түсірілген аңызға айналған Майя мүйісі бар.

Ақ мәрмәрдан жасалған 45 метрлік Будда мүсіні Наккэрд төбелерінде аралдың үстінен асқақтап тұр. Осы биіктіктен көрінетін Чалонг шығанағы мен Карон және Ката жағажайларына ашылатын панорама — Пхукеттегі ең әсем көріністердің бірі саналады. Тек елестетіп көріңізші, мұнда қандай керемет суреттер шығады!

Пхукеттің солтүстігі табиғатының дерлік бұзылмаған сұлулығымен таңғалдырады. Сізге ұсынарымыз — Кхао Пра Тео ұлттық саябағына бару, бұл Пхукеттегі мәңгі жасыл джунглидің соңғы аймағы. Мұнда гиббондарды оңалту жобасының еріктілері жұмыс істейді, ал соқпақтар Банг Пэ сарқырамасының жанынан өтеді — серуеннен кейін салқындауға таптырмас орын.

Немесе әктасты жартастары, қойнаулары, тек су қайтқан кезде ғана кіруге болатын үңгірлері мен мангр ормандары бар Ао Пханг Нга саябағына барыңыз. Мүйісті зерттеудің ең жақсы тәсілі — каякпен немесе сапбордпен жүзу.

Күн батқаннан кейін Пхукет — шамдар, музыка мен шоулар аралына айналады. Түнгі өмірдің басты орталығы — Патонгтағы Bangla Road. Мұнда ондаған клубтар, пабтар және ерекше тақырыптық кештері мен достық атмосферасымен танымал аңызға айналған go-go барлар жұмыс істейді — бұл жерде әрқашан көңілді әрі жанды.

Ал егер көздің жауын алатын көрініс көргіңіз келсе — кабареге барыңыз. Ең танымал үштік: Simon Cabaret, Phuket Fantasea, Andaman Cabaret. Ал отбасымен өткізетін кешке ең қолайлысы — Siam Niramit Phuket Show. Бұл — жүздеген жарқын костюмдегі әртістер қатысатын ауқымды театрландырылған қойылым, көрерменді Таиланд тарихына жетелейді және әлемдегі ең үздік шоулардың бірі болып саналады.

Біздің бағдарламамыз бір ғана сапарға сыймайтындай көрінеді. Бірақ егер тағы бірдеңе қосудың сәті түссе — мұнда әлі де талай мүмкіндік бар. Ендеше, брондау уақыты келді!

Join UP!-пен бірге Пхукеттің сұлулығына қанат қағайық!

---

¹ https://www.thephuketnews.com/phuket-hits-conde-nast-list-for-top-10-islands-in-asia-94158.php
² https://www.tatnews.org/2024/01/thailand-featured-in-2024-tripadvisor-travelers-choice-awards
³ https://www.travelandleisure.com/worlds-best-awards-2025-islands-asia-11736178
⁴ https://www.thephuketnews.com/phuket-tops-list-as-thailand-highest-earning-tourism-province-95614.php
⁵ ағыл. also known as – «Сондай-ақ … деген атпен белгілі» дегеннің қысқартылған түрі
⁶ https://en.reallifephuket.com/2025/04/22/phuket-beach-among-worlds-best-in-tripadvisor-ranking
⁷ https://edition.cnn.com/travel/article/world-best-food-cultures/index.html