Түркия Air Astana-ң қанатында: отбасылық қызықты оқиғалар фотогалереясы

Сіздің қандай демалысты жақсы көргеніңізге тәуелсіз сіздің Түркияда күнге әбден қыздырынып қана қоймай, өзіңізбен бірге шығыстың тәтті тағамдарын, ондаған, тіпті жүздеген керемет фотоларды алып келетініңізге сенімдіміз. Сіздерге телефонның экраны арқылы бөліскіңіз келетін, ал демалыстан кейін келесі сапарды тағаттана күтіп отырып галереядан қарай белгің келетін және ұмытылмас сәттерді еске түсіретін инстаплейстерге кеңес бергіміз келеді.

Капуташ

Шағын ғана жағажай – ұзындығы 200 м және ені 30 м – жарлардың арасындағы шатқалда тығылып жатыр. Осыдан небәрі 15 жыл бұрын бұл жерге тек теңіз арқылы келуге болатын. Қазір 200 баспалдақпен төмен түсуге тура келеді, бірақ бұл баруға тұрарлық жер. Көкшіл су, алтын құм және теңіз деңгейжиегіндегі жасыл аралдар – өзінің сұлулығының арқасында Капуташ Түркиядағы демалыс жарнамаларында жиі жылтылдайды. Қазір бұл жерге жергілікті тұрғындар тыныш отбасылық демалысты іздеп, балаларын ертіп келеді.

Кеңес: жағалауда душ, дәретхана, киім ауыстыруға арналған кабиналар бар. Жаз кезінде шағын кафе жұмыс істейді, бірақ су мен тамақты өзіңмен бірге алып, шағын пикник ұйымдастырған дұрыс.

Бұл жерде: Анталия оңтүстік батысқа 200 шақырым және Фетхие 85 шақырым жерде..

Патара

Түркиядағы ең ұзын (12 шақырым) және маңызды жағажайлардың бірі – бұл жерде Caretta Caretta теңіз тасбақалары жұмыртқа салады. Сондықтан бұл жерде құрылыс жүргізуге және судағы спорт түрлеріне тыйым салынған , сондықтан инфрақұрылым мүлде жоқ деп айтуға болады. Кіре беріс жерде бірнеше киоскі ғана бар, сонымен қатар жалға шатырлар мен шезлонгтарды алуға болады. Құмды, адам көп бара бермейтін дөңдер, жатық теңіз жағалауы, жақсы қызған су бұл жерді балалармен демалысқа арналған керемет жерге айналдырады. Бәлкім, сіздің жолыңыз болып, ұясынан теңізге қарай жүгіріп бара жатқан тасбақаның кішкентай балаларын көру бұйыратын шығар.
Бұл осы жағалаудың жалғыз тартымды көрінісі емес: Патара – ежелгі антикалық қала, Николай Чудотворец дүниеге келген Ликий одағының басты порты және астанасы. Бұл жерде сіз 2000 жылдан астам уақыт бұрын салынған құрылыс қирандыларын аралай аласыз.

Кеңес: жазда жағажайда өте ыстық, көлеңке жоқтың қасы деуге болады, сондықтан бұл жерге сәуір-маусым және қыркүйек-қазан айларында барған дұрыс.

Бұл жерде: Анталия оңтүстік батысқа қарай 220 шақырым жерде (Капуташ жағажайынан 25 минут жүретін қашықтықта).

Чиралы

Құмды-қиыршық тасты 3 шақырымға созылып жатқан жағажай Бейдаглары ұлттық саябағының қорық аумағындағы Чиралы кентінде орналасқан, сондықтан бұл жерде 2 қабаттан биік ғимарат салуға тыйым салынған. Түбі қиыршықтасты болғандықтан теңіз мұнтаздай таза – мойныңызға дейін суға кіріп тұрсаңыз да, түбінде жүзіп жүрген балықтарды оңай көруге болады. Кент өте тыныш жерде орналасқан, бірақ жағалау сызығын бойлай мейрамханалар мен кафелер көп. Кейбір жерлерде құмда металл себептерді көруге болады, олар теңіз тасбақаларының салған жұмыртқаларын қорғайды.

Кеңес: бұл жердегі тереңдік күрт төмен түсіп кетеді, балалармен демалған кезде бұны ескеру керек. Бұл жерде туристердің легі болмайды, сондықтан жағажай тыныш романтикалық демалысқа арналған.

Бұл жерде: Анталиядан 80 шақырым жерде, Кемер шипажайының ауданында.

Каш

Кішкентай қала Жерорта теңізі мен Эгей теңізінің қиылысқан нүктесіндегі жасыл желекке оранған дөңдер мен мүйістерге жайылып жатыр. Бұл жерде тағы 100 жыл бұрын гректер өмір сүрген. Бұны осы қаланың сәулетінен де көруге болады – ағашпен өңделген, гүлдеп тұрған бұталармен өріле көмкерілген аласалау ақ үйлер, ал олардың арасында анар мен апельсиндер өсіп тұр. Кешке жақын барлығы түрлене түседі – ертегі әлеміне жетелей кететін гирляндалармен және шамдармен безендіріледі.

Кеңес: 30 минут ішінде салмен Кашадан үйлері гүлге оранған, грек тағамдары тартылатын мейрамханалары мен көптеген инстаграмға арналған көрікті жерлері бар Мейс деп аталатын грек аралынан бірақ шығуға болады..

Қай жерде: оңтүстік-батысқа қарай Анталиядан 180 шақырым жерде (Кемерден 140 шақырым).

Ескі Калеичи қаласы

Анталияның осы ең ескі ауданында римдіктер, византиялықтар, османдар өз ізін қалдырған, сондықтан сәулеті өте қызықты. Қырлы тас төселген тар көшелер, жайлы шағын ауласы бар үйлер, мешіт, мұнаралар, базар, порт – қорғаныс құрылыстарының арқасында өте жақсы сақталған, өйткені Анталия өзінің екі мың жлдық тарихында теңізден талай шабуылға тойтарыс берген.

Кеңес: осы жерде Антальяның ең ескі жағажайы – Мермели орналасқан. Оған ирелеңдеген ағаш баспалдақ апарады. Бұл жерден теңізге кіру де ыңғайлы, душтар мен дәретханалар бар, адам көп емес.

Қай жерде: Анталияның орталығы, Лара мен Коньяалта аудандарының ортасында.

Каньон Гейнюк.

Қорық аумағында орналасқан. Бұл жер – экстрим мен керемет табиғат сұлулығына бас июшілерге арналған must visit. Аңғарлар, шатқалдар, сарқырамалар, қойтастар, үңгірлер, көлдер – осының барлығын кешіп өтуге тура келеді және шайқалып тұрған аспалы көпірлер мен тастан қаланған өткелдер арқылы өтуге тура келеді, сондықтан сізге ыңғайлы аяқкиім керек, ал кіре беріс жерде сіз басыңызға дулыға мен гидрокостюм аласыз.

Кеңес: экстримді жақсы көрмейтіндер үшін аңғарға кіретін жерде серуендеуді ұсынамыз – бұл жерде аса көрікті көлшік, пикникке арналған орын және қасында қарағай орманы бар.

Қай жерде: Анталиядан 40 шақырым жерде, Гейнюк ауылының маңында.

Тюнектепе арқан жолы.

Фуникулерде 9 минуттық көтерілу кезінде Анталияны құстың қанаты жететін жерден тамашалауға болады. Ол 36 кабинадан тұрады, олардың әрқайсысында біруақытта 8 адам орналаса алады- бүкіл отбасымен шығуға болады.

Кеңес: ауа-райын қадағалаңыз – егер тау тұманға оранған болса, қаланы сол түтіннің арасынан көргендей әсер аласыз.

Қай жерде:Анталия, тау орталықтан 15 шақырым жерде орналасқан.

Ал, қалай, қызықты жерлерді көбірек көріп үлгеру үшін сапарыңыздың бағыт-бағдағдарын жоспарлағыңыз келіп кетті ме? Join UP!-пен, Air Astana мен Summer Tour –мен бірге бұның ең есте қаларлық оқиғаға айналатынына сенімдімін. Мүмкін, жолдан тағы да бір бірнеше ерекше локацияларды көретін шығарсыз, өйткені Түркия бұндай жерлерде аса бай.