Ел туралы

Сахарадағы ғажайыптардың шексіз саны!

Сіз кейде өз күшіңіз бен мүмкіндіктеріңізге күмәнданасыз ба, сіздің бұрыннан бері келе жатқан арманыңыз бар ма, бірақ бұған қарамастан осы арманды іске асыруға шабытыңыз жетпей келеді ме – онда сізге міндетті түрде БАӘ-не барып қайту керек. Небәрі 40 жыл бұрын шексіз құмнан құралған тегін ландшаф қана болған осы сұлу өлке бүгінгі таңда адамның ұлылығының керемет дәлелі болып табылады. Дубай «Дүниеде барлығы мүмкін, ал мүмкін емеске жәй ғана көбірек уақыт бөлу керек» деген цитатаның көрнекі дәлелі сияқты !

Дәл осы жерде ғана Dubai Mall-дағы ғажайып балықтар жүзген аквариумға сүңгіп шығуға болады, шөл даланың қақ ортасында тұрған жалғыз тау-шаңғы кешені болып табылатын Ski Dubai -дағы 400 метрлік төбешіктен сырғанап түсуге болады, сынамасы жоғары алтын құймасын сататын «алтынмат»-банкоматты пайдалана аласыз, «ІІ Елизавета патшайымның» атымен аталған әлемдегі ең үлкен мұхитқа арналған лайнерді көруге болады, Бурдж-Халифа мұнарасының 124-қабатына көтеріліп, құстың қанаты ғана жететін биіктіктен әмірлікке көз тастай аласың, ең ірі Алтын базарында сән-салтанатты заттарды сатып алуға болады, Aquaventure аквапаркінде акулалар жүзіп жүрген бассейн арқылы өтетін шыны құбырмен Зиггурат мұнарасынан сырғып түсе аласыз, билейтін бұрқақтарға сүйсіне қарап, Аль-Хадхира деп аталатын теңдесі жоқ мейрамханада құм төбелердің ортасыда отырып кешкі ас іше аласың, жүректің жауын алатын Park-ке бара аласың, Дубайдағы сансыз көп фестивальдердің кез келгенінде көңіл көтере аласың! Бұндай демалысқа қалай қарайсыз ?

Сауықтар

БАӘ – шат-шадыман көңіл күй мен нағыз қуаныш таусылмайтын орын!

Бұл жерде күн сайы өзіңе жаңа сауық табуға болады және олар бірде-бір рет қайталанбайды. Әмірліктер әртүрлі оқиғаларға, саябақтарға, аттракциондар мен тіпті ойыңа кіріп шықпайтын әртүрлі сауықтарға толы! Бұл жерде барлығы бар! Шөл даладағы қар, ең биік зәулім ғимараттар, ең керемет жерлер – қалағаныңыздың барлығы бір минутта орындалады!

Таңдаңыз және рақаттаныңыз:

Dubai Parks and Resorts. Үш тақырыптық саябақтан тұратын осы аймақтағы ең ірі ойын-сауық саябақтарының кешені: Smurfs пен Lionsgate қоса алғанда, DreamWorks Animation, Columbia Pictures жетекші голливудтық киностудиялардың сүйікті кейіпкерлеріне арналған MOTIONGATE™ Dubai тақырыптық саябағы; Bollywood Parks™ Dubai- алғашқы отбасылық тақырыптық саябақ, оның аттракциондары Болливуд әлеміне арналған; сонымен қатар отбасылары үшін LEGOLAND® Dubai бірегей интерактивті саябағы бар, онда кірпіштен салынған LEGO® конструкциялары тіріледі; және осы өңірдегі 2 жас пен 12 жас аралығындағы отбасыларына арналған осы аймақтағы алғашқы су саябағы – LEGOLAND® Water Park бой көтерген. 2019 жылы кешен ішінде осы аймақтағы бірінші Six Flags Theme Park брендінің тақырыптық саябағын ашу жоспарланып отыр.

Wild Wadi аквапаркі. Бұл тақырыптық жағынан біріктірілген теңізші Синдбадтың саяхаттары туралы аңыздармен араласып, біте қайнасып кеткен ондаған жұп аттракциондары бар Дубайдағы адам ең көп баратын саябақ. Бұл жерде сарқырамасы мен аспалы құздары бар «Жасырын лагуна»; күрт бұрылыстарға толы 33 метрлік су құламасы (жылдамдық сағатына 80 шақырымға дейін жетуі мүмкін) және сегіз түрлі сырғанау төбешігі бар. Сәбилерге арналған шомылу аумағы және жасанды толқындары бар бассейн де бар. Су температурасы – плюс 28 °С.

iFly Dubai. Дубайдағы «Mirdif» сауда орталығының ішінде орналасқан ультразаманауи аэродинамикалық құбыр. Бұл еліктіргіш аттракцион еркін қалықтап ұшуды армандайтын ересектерге де, балаларға да өз арманын іске асыруға мүмкіндік береді, бұл үшін парашютпен секіремін деп ұшаққа отырудың қажеті жоқ. Аэродинамикалық құбыр нағыз парашютпен секіріп, қалықтаудан кем түспейтін әсер сыйлауға қабілетті. Құбырда еркін құлаған кездегі ұмытылмайтын сезімді әрбір экстримді сүюші жоғары бағалайды.

Шөл даладағы мейрамхана. Шөл далада ашылған алғашқы ашық аспан астындағы мейрамхана -AI Hadheerah -да шөл даланың кеңдігі мен дәстүрлі араб сауықтарының ғажайыбын сезін. Al Hadheerah керемет түскі астарды ұсынады, ас ішіп отырып, сіз араб аңыздарының үзінділерін, бөксе биін тамашалап, оркестрдің жанды үнін тыңдай аласыз. Декорациялар бекініс тақырыбының ғажайыбын елестетеді. Мейрамхана табиғи тастан қаланған. Мейрамхана Таяу Шығыстың этникалық тағамдарын ұсынады, бұл жерде сіз ағашпен жанатын пешті, істіктегі кәуапты, нан пісіруге арналған араб пештерін кездестіресіз. Қаладан бір сағаттық жерде сіз шынайы оқшаулану мен шөл даланың атмосферасын сезінесіз.

«Dubai Mall»-дағы аквариум. Бұл океанариум Гиннестің рекордтар кітабына әлемдегі ең үлкен жабық аквариум ретінде енген. Алып көлемді ыдысқа (оның ортасымен шыны тоннел өтеді) 10 миллион литр су сияды, онда 30 мыңнан астам теңізде мекендейтін тіршілік иелері жүзіп жүр. Бұл жерде әсерлі экстремалды аттракцион да қалыс қалмаған- барлығы дубайлықтар жақсы көретіндей. Өзінің жүйкесін қытықтап көргісі келетіндерге қосымша ақыға және алдын ала дайындықтан өтіп барып қана аквариумға болат тордың ішінде түсіп, скаттар мен акулалардың ортасында жүзіп көруге болады. Аквариумның үстінде пингвиндер, жыландар мен рептилиялар мекендейтін хайуанаттар бағы, сонымен қатар «Жаңалықтар орталығы» бар, онда теңіздер мен мұхиттардың өмірімен толығырақ танысуға болады.

Бурдж Халифа қарау алаңы Бұл керемет шолу алаңы 148-қабатта орналасқан. Ол 555,7 метр биіктікте бой созған. Панорамалық терезелер мен демалыс аймақтарынан басқа бұл жерде интербелсенді аймақ орналасқан, оның көмегімен келушілерге Дубаймен виртуалды тур жасау ұсынылады. Бұл жерде сіз ең керемет фотосуреттерді жасап, теңдесі жоқ көріністерді тамашалай аласыз!

Сахараға сапар. Джип сафари сізге Арабтың ен шөл даласындағы ең қызықты жерлер мен оның бірегей ерекшеліктерін көрудің, шөл даланы мекендеушілермен жақынырақ танысудың, алып күш иелері болып табылатын джиптермен жүруден ұмытылмас әсер алудың керемет мүмкіндігін сыйлайды. БАӘ-дегі джиппен сафари мен әйгілі африкандық сафари мүлдем әртүрлі. Араб Әмірліктерінде туристер алтын түсті құм төбелері жарқыраған Арабтың шексіз сахарасына барып, экстремалды жүргізуден рақат алып, ұлттық салт-дәстүрмен таныса алады. Барлық күшті буырқанған сезімді бастан кешіруді ұнататындарға бұндай экскурсияға джиппен бару ұсынылады. Джиптердің жылдамдығы кейде сағатына 100 шақырымға жетеді. Машиналар сахараның алуан түрлі құм төбелерінен осы жылдамдықпен түсуі мүмкін.

Ski Dubai. Нағыз ғажайыптың ғажайыбы! Шөл даладағы қар! Бұны ешуақытта ұмытпайтыныңыз анық! Бұл сиқырды ұнататындарға арналған жер! Сондықтан Ski Dubai кешеніндегі арабтың аптан ыстығының ортасында жатқан қарлы шұратқа міндетті түрде барып, өз көзіңмен көру керек ! Сондай-ақ бұл романтикалық кездесуге арналған керемет жер! Сүйіктіңізге ыстық жаздың ортасында қарды көрсетуге сөз беріп, уәдеңізді оңай орындаңыз. Сонда өмірде мүмкін еместің барлығы мүмкін болады!
Aquaventure аквапаркі. Бұл жерді балалар да, ересектер де бағалай алады! Бұл жерде күні бойы қалай уақыт өткізгеніңізді байқамай да қалуыңыз мүмкін – өйткені бұл жерде сізді қызықты оқиғалар мен ұмытылмас әсерлердің толассыз көлемі күтіп тұр! Екі шақырымға созылған өзенмен бірге ағу, сарқырамаларда ойнау, үш деңгейлі пирамидада төбешіктен сырғанау және басты хит – акулалары бар лагуна арқылы өтетін мөлдір тоннелдің ішінде 27 метрлік биіктіктен тігінен құлау. Aquaventure суперзаманауи аквапаркін құрушылар бұл сауық түріне дубайлық ауқыммен құлаш жайған сияқты. Бұл жерде дайвинг сабақтарын алуға болады – дельфиндермен жүзуге болатын жеке опциясы бар.

Ibn Battuta Mall. Қарапайым сауда орталықтарын салудан дубайлықтар баяғыда жалыққан, сондықтан жаңа салынған дүкендердің міндетті түрде өзінің басты ерекшелігі болуы тиіс. Ibn Battuta Mall-да өзімен аттас атақты араб саяхатшысы ат басын тіреген елдерге арналған тақырыптық аймақтар бар. Барлығы алты аймақ: Андалусия, Тунис, Мысыр, Персия, Үндістан және Қытай. Олардың әрқайсысы өз елінің сәулеттік дәстүріне сай безендірілген. Ibn Battuta Mall дүкендері де келушілердің көңілін қалдырмайды: бұл жерде киімнің, аяқкиімнің, косметика мен үйге арналған тауарлардың кең талғамы ұсынылады.

Ferrari World. Бұл-ауданы 200 000 м² шатыр астында орналасқан теңдесі жоқ кешен және үй-жайдың ішінде орналасқан әлемдегі ең үлкен тақырыптық саябақ. Осы «ересектерге арналған диснейлэнд» тіпті ұшақ көтерілетін биіктіктегі бұлт арасынан да жақсы көрінеді – құмды шөлдің ортасында әрбір жағы бір шақырымға созылған нән айқын-қызыл үшбұрыш. Сәл төмендеген кезде саябақтың шатырындағы 65 метрлік алып «Феррари» логотипін көруге болады. Ал одан да төменірек – итальяндық спорткардың және шиеленіскен оқиғалардың әр жастағы жанкүйерлер тобы байқалады. Бұл жерде: «Формула 1» 3D-симуляторынан бастап американдық сырғанау төбешіктеріне дейін барлығы бар, «феррари» түріндегі арбалар сағатына 240 шақырым жылдамдықпен ұшып жүреді.

Wonderland сауық паркі. Бұл кең ауқымды саябақ үш аймаққа бөлінген. Бұл жерде әткеншектердің ондаған түрі, американдық сырғанақтар, ойын автоматтары, пейнтбол мен картинг бар. Әуе шарында көтерілуге болады немесе ракетамен «ұшып көруге» болады – сізді шамамен жеті метрге атып, ұшырады (Space Shot деп аталатын аттракцион). Аквапарк те бар – керемет сырғанақтар, күрт бұрылысты, жылдамдықпен түсетін төбешіктері және енді бастаған серферлерге арналған жасанды толқынды аттракцион да бар. Бұл жердегі тағы да бір таңғажайып көрініс – экраннан су ағынымен құрылған фильмдерді көргеніңіз бар ма? Дубайлық «Ғажайыптар әлемінде бұл толық мүмкін – Тұман көлінде ұйымдастырылатын Water Mist Show кешкі шоуына қатыссаңыз болғаны.

Дубайдағы дельфинарий. Дубайға балаларымен келетін туристерге бұл жерде міндетті түрде болу керек. Сізді сиқыршы қарақшылардың айқын қойылымы және дельфиндер мен теңіз мысығының керемет шоуы күтеді. Сіз тамашалайтын бұл ғажайыптың барлығы ешкімді бейжай қалдырмасы анық!

БАӘ-дегі автомұражай. Іс жүзінде бұл шейх Хамад бин Хамдан Аль Нахьянның жеке коллекциясы, ол соңғы 30 жыл ішінде 200-ге жуық машина жинаған, олардың ішінде биіктігі 3 қабатты үймен тең тапсырысқа жиналған «Додж» пикапы немесе бұрын ұсталған болса да, сұлулы кемімеген II Елизаветаның «Роллс-Ройсы» бар. Осы раритеттердің барлығы Top Gear бағдарламасында көрсетілген.

Яс Марин автодромы. Бұл БАӘ, Абу-Дабидегі жарыс тас жолы, онда 1-Формуланың 2009 жылғы маусымында Абу-Даби Гран-при тұсауы кесілген. Тас жол ауданы 2500 га алып жатқан жасанды Яс аралында орналасқан. Тас жолдың маңында яхталарға арналған айлақ, Ferrari сауық саябағы, қонақүйлер, элиталы үйлер, бассейндер, гольфқа арналған алаң және жалпы ауданы 300 мың. м² құрайтын «Яс Молл» сауда орталығы орналасқан.

Сир Бани-Яс аралы. Сізге манг тоғайы, сұлулығы бұзылмаған жағалаулар жайлаған және теңіз өміріне бай кең ауқымды табиғи қорыққа міндетті түрде барып, көру керек. Бұл болашақ «Шөл даладағы аралдар» теңіз шипажайының жобасына кіретін және кіруге ашық сегіз аралдың біріншісі. Әмірлік басшысы шейх Заед Аль Нахьянның арқасында бүкіл арал аумағы (87 шаршы километр) табиғи қорыққа айналып, жиырмадан астам жануарға және мыңнан астам құсқа пана болды.
Таутайлақтар, керіктер, түйеқұстар мен қарақұйрықтар аралдың ішінде емін-еркін жайылып жүреді. Ал бейза бөкені сияқты сирек жануарлар қоршалған қашалардың ішінде бағылады; саябақ мамандары қырылу алдында тұрған құстар мен жануарларды көбейтумен шұғылданады. Бұл жерден қоқиқазды, нән теңіз тасбақалары мен дельфиндерді кездестіруге болады.

Халықаралық теңіз клубы. Бұл жерде виндсерфинг пен яхтада жарысуды қоса алғанда, судағы спорт түрлерінен ұдайы жарыстар өткізіліп отырады, бұл жарыстарға барлығына дерлік қатысуға болады. Сондай-ақ бұл жерге балық аулауды ұйымдастыра алатын гидті іздеп те келіп жатады. Жергілікті суларда тунецтер, барракудалар мен теңіз алабұғалары- әдеттегі көрініс. Аулап алған балықты тура қайықтың ішінде қуырып, жеуге болады!
Абу-Даби жылқы клубы. Қала орталығынан 10 минуттық жердегі Аль Мушериф ауданында құлашын кең жайған клуб Парсы шығанағы елдері арасындағы ең заманауи жылқы клубы болып есептеледі. Керемет жабдықталған ипподром, кез келген жастағы оқушыларға арналған барлық деңгейдегі нұсқаушылар жұмыс істейтін үйрету клубы, әртүрлі кедергілер орнатылған үлкен орталық арена. Бұл жерде гольф әуесқойларына табиғи жабынмен жабылған нән прожекторлармен жарықтанатын алаң бар, мұнда күн батқаннан кейін де беймарал ойнай беруге болады, сонымен қатар теннис корты мен бассейн де бар – бұл клубтағы аса танымал орындар. Халықаралық тағамдарды әзірлейтін мейрамхана да бар.

Dreamland аквапаркі. Саябақ бірнеше аймаққа бөлінген, онда судағы және «құрлықтағы» аттракциондар, серуендеуге арналған жолдар, күнге қыздырынғанды жақсы көретіндерге арналған жағажай, картингке, мини-футболға, үстел теннисіне, баскетболға және жағажай волейболына арналған алаңдар бар. Бейне ойындар, симуляторлар, пул ойынына арналған үстелдер орнатылған. Сондай-ақ әртүрлі шоу бағдарламалар өтетін амфитеатр да салынған. Аквапарктің өзінде көптеген аттракциондар бар: жасанды толқынды алпауыт бассейн, еліктіргіш су сырғанақтары: «Камикадзе», «Алып сырғанау төбешіктері», «Буырқанған өзен», «Қара ойық», «Иірілген айдаһарлар» және басқалары. Дельфинарий мен су ортасында орналасқан мейрамхана бар. 18 метрлік жасанды жанартау да бар: бірегей жарық әсерлерінің көмегімен нағыз жанартаудың атқылауы кезіндегі от шашуын бақылауға болады.

Дін

Өте қызықты мыңдаған ғасырлық тарихы бар дәстүр

Құран — араб тілінде жазылған мұсылмандардың қасиетті кітабы, мұсылман жазба әдебиеті үшін ол діни ғана емес, әдеби мұра да болып табылады.

Құран тілі — араб тілінің классикалық үлгісі, онда аңыз бойынша пейіште адамдар мен періштелер тілдеседі.
Мұсылмандар күніне бес рет намаз оқиды. Намаз уақыты туралы радио, телевизия және баспасөз арқылы күнделікті хабарланып отырады, бұл өзіндік міндетті бағдарлама. Мешіттен оқылатын ерекше азан елдің әрбір тұрғынын Аллаға мойын ұсынып, өз ісін кейін жалғастыруға шақырады.

Рамазан айында (мұсылмандардың ай күнтізбесінің 9-айы) мұсылмандар ораза ұстайды. Күн атқаннан батқанға дейін олар ойын-сауықтан, нәпсіқұмарлықтан және басқа да сауықтыру шараларынан бас тартады, күндіз тамақ жеуге, сусын ішуге және шылым шегуге тыйым салынады.

Шоппинг

Бұл жерде жанға керектінің барлығын, тіпті одан да асырып сатып алуға болады !

БАӘ-дегі шоппинг – бұл жәй ғана дүкен аралау емес, тұтас бір оқиға, тіпті керемет мереке деп айтуға болады! Жарқ-жұрқ еткен сөрелердің және сауда алаңдарының ауқымы нағыз киім құмарлардың қиялына қанат бітіреді, ал дүкендер мен ойын-сауық көлемі жүректі баурап алады!

Әмірлік молдарында киім сатып алып, өз гардеробын толықтырып қана қоймай, керемет көңіл көтеріп кетуге де болады! Мысалы, сауда орталығында фортепьяно сабақтарын алуға болады немесе кескіндеме курсынан өтуге болады, керемет мейрамханаларға кіріп, азиялық жеңсік астан дәм татуға болады, шығыстың ең дәмді тағамдарын ұсынатын жайлы кафеде отырып, бір шыны кофе ішуге болады! Балалармен бірге нағыз әмірлікке тән демалысты өткізуге болады! Ең алуан түрлі әсерге дайындалыңыз: биіктігі 3 қабат үйге тең нән аквариум, Ski Dubai қарлы төбелері және каток, теңдесі жоқ ән салатын бұрқақтар, сонымен қатар керемет мамандықтар қаласы – Kidzania. Шоппинг молдардың лобиринттерімен шексіз серуендеп жүре беруге болады!

Жалпы алғанда, Дубай-ға сапарға аттанарда чемоданыңыздан жаңа заттарға арналған орынды міндетті түрде дайындап қойыңыз, өйткені сіз арбаудан қашып құтыла алмайсыз! Дубай өзінің мерекелік көркіне ене кететін жаңа жыл қарсаңында сөрелері акциялық ұсыныстармен және керемет жеңілдіктермен жарқырап тұрған, ертегідегідей иллюминациялармен және сән-салтанатты декормен безендірілген дәстүрлі шығыс базарларына бару ұсынылады.

Тағамдар

Сізді керемет тағамдар мен таңғажайып дәмдердің қосындысы күтіп тұр!

Әмірлікте осы өңірдің ерекше табиғи-климаттық және діни ерекшеліктерінің әсерімен қалыптасқан араб елдері үшін дәстүрлі және іс жүзінде бірыңғай тағамдар әзірленеді.

Мұсылмандар шошқа етін жемейтін болғандықтан ет тағамдарына көбінесе сиыр еті, ешкі еті, құс, балық еті мен жұмыртқа қолданылады. Ет жиі майсыз ыстық табада қуырылып, ерекше дәмге ие болады.

Құс етінен әзірленетін тағамдар аса танымал — томат қосып бұқтырылған тауық еті, бал қосылған «ал-манди» буға пісірілген тауық еті, «харис» құс еті қосылған көмеш (жиі бұзау етімен де әзірленеді), «бирьяни-аджадж» бұқтырылған тауық етінің кесектері бар күріш, «тикка-даджадж» тауық етінен кәуап, «джадж-таннури» ащы тауық еті, шығыста аса қадірлі болып есептелетін «самман» бөдене еті және т.б. Бұндай тағамдарға гарнир ретінде күріш пен балауса көкөністен салат тартылады. Бұл ретте әртүрлі татымдылықтар мен дәмдеуіштер өте көп көлемде қолданылады.

Сонымен қатар ашыған сүт өнімдері, әсіресе ірімшік жиі тұтынылады.

Клубтар

Әдемі әрі сәнді көңіл көтеріңіз!

БАӘ-де сізді тіпті түнгі клубтар да таңғалдырады. Олардың әрқайсысы – ерекше әрі қайталанбас, атмосферасы  аса еліктіргіш, өзіне тән айрықша «артықшылықтары» бар және керемет музыка ойнап тұрады. Бұл жерде сіз барынша босаңсып, жақсы тығынып, билеп, ұмытылмас коктейльдердің дәмін татып, қызықты адамдармен таныса аласыз және БАӘ-де керемет жайлылықты қаншалықты қамтамасыз ете алатынын бағалай аласыз. 

Біз сізге мынадай жерлерді ұсынамыз:

Cavalli Club. Бұл клуб Fairmont зәулім қонақүйінің үш қабатын алып жатыр, ол әр түн сайын люкс дәрежесіндегі демалысты сүйетін адамдарға өз есіктерін ашады. Бұл жерде барлығы жанды еліктіре түседі: фирмалық маталардан дизайнерлік жиһаз, теңдесі жоқ бұрқақтар, Swarovski кристалдарынан жасалған жарқ-жұрқ етіп көздің жауын алған аспалы шамдар. … тіпті асхана құралдары да әйгілі итальяндықтың дизайн-жобасы бойынша әзірленген! БАӘ-де барлығы салтанатты, ал  Cavalli Club өз маркасына берік: мысалы, ерекше тағамдарды әзірлеуге арналған барлық азық-түлікті бұл жерге тікелей Италиядан ұшақпен алдырады.

Armani Club. Ұлы итальяндық дизайнер Джорджио Арманиден сән-салтанатқа толы клуб. Клубты табу өте оңай, өйткені ол тура Бурдж Халифада орналасқан! Өздігінен Armani клубы 2 қабатты ғимарат болып табылады, ол әлемдегі ең үлкен құрылыстың алғашқы екі қабатын алып жатыр. Бұл ғимарат көбінесе қара түспен безендіріліп, көздің жауын алатын алуан түсті жарық беретін қыстырмалармен және қабырғалық проекциялармен көмкерілген. Керемет музыка, барлық жерде стиль байқалады, өте әдемі әрі сәнді адамдар -бұл жердің ажырамайтын бөлігі!

Buddha Bar. Атақты сауық орындарының бірі. БАӘ-де ол барлығын таңғалдырады, тамсандырады және өзінің ауқымды құлашымен, атмосферасымен және мәдениетімен ұмытылмас әсер қалдырады. Бұл клуб-мейрамхана түнгі Дубайда тыныш демалуды  жақсы көретіндерге арналған. Көптеген клубтардан қатты ерекшеленеді, бұл жерде түні бойы тыныш өмір қарқыны әуелеп тұрады, шулы жерлерден шаршасаңыз, сізге дәл осы жерге келу керек. Мейрамхана мұражайға ұқсайды, онда тіпті жәдігерлік дүкен де бар. Buddha Bar мәзірінде -қытай, тай, жапон және еуропа тағамдары.

VIP Room. Бұл аты әлемге әйгілі клубтық бренд, оның желісі Сент-Тропада, Парижде, Канда жайылып жатыр, ал 2013 жылы Дубайда да ашылды. Екі қабаты айналып тұратын DJ-стендінің айналасында орналасқан 37 үстелі бар элиталық деңгейдегі көздің жауын алатын француздық декаданс стилінде. Бірінші қабатта ашық аспан астындағы террасамен жалғасатын жеке аумағы бар қосымша бар орналасқан.

Pacha Ibiza Dubai. Үш қабаттан тұратын әйгілі ойын-сауық кешені: ’The Main Room’, ’The Red Room’ және ’The Rooftop’. Main Room бірінші қабатта орналасқан және аптасына 7 күн ашық, көңілді шоумен сүйемелденетін мейрамхана қызметін ұсынады. Red Room екінші қабатта орналасқан және аптасына 5 рет ойын-сауық ұсынады, ал Pacha Ibiza Rooftop — бары мен грилі бар ашық дәліз. Бұл жерде сізге әлемдік деңгейдегі DJ мен драйвқа толы атмосфераға және керемет көңіл-күйге кепілдік береді!  

GQ Bar. Бұл аса сыйлы мекеме, өзімен аттас ерлер журналының арқасында бүкіл әлемге әйгілі. JW Marriott Marquis Duba қонақүйінде орналасқан клуб жалпы ауданы 994 шаршы метрді құрайтын екі деңгейді алып жатыр. Лаундж-аймақтағы үлкен алауошақ және аты аңызға айналған жылтыр журналдың беттерімен безендірілген қабырға басты дизайнерлік атрибуттар болып табылады. Мәзірді Чарльз ханзаданың бұрынғы бас аспазшысы Гари Робинс әзірледі. Қонақтарға интернационалды тағамдар тартылатын түскі астар мен кешкі астар ұсынылады, бұл тағамдардың арасында қара жерқұлақтар мен маскарпоне қосылған гратенге, сиырдың жон етіне және көкөніс езбесіне, порто тұздығының астындағы  түлкішекке де орын табылған. Мекемеде дәстүрлі рецепті бойынша әзірленген алкогольді сусындардың кең талғамы, сонымен қатар шараптар мен коктейльдер, Crime of Passion, Pommie Punch және Taittinger аққайнары ұсынылады. 

Blue Marlin Ibiza Dubai. Дубайдың ерекше жағажайлық түнгі клубы, өйткені ол Ирбицадағы атақты клубтың филиалы болып табылады, ал Ибицаның  бүкіл ғаламшардағы клубтық мәдениеттің астанасы екені барлығына мәлім. Филиалды құрушылар бұл жерде жайлы жағдай жасап, Парсы шығанағының жағалауындағы керемет жерді таңдап алып, мәдениеттік клубтық демалысқа бар күш-жігерлерін салған: жайлылықтың, қызмет көрсету мен сауықтың жоғары сапасы, мекемеге автомобильмен, тікұшақпен және яхтамен кіруге болады. Өз бассейні, жеке шағын үй кіретін VIP аймақтары бар, онда ерекше қызмет көрсетіледі. 

Бұл Jumeirah Beach қонақүй аумағындағы пирстің ең соңында орналасқан таңғажайып клуб. Клуб өзінің шайба түріндегі нысанына орай аталған, ол жерден бүкіл ғаламшардағы ең таңғажайып әрі жалғыз 7* Бурдж Аль Араб қонақүйінің кең көлемді көрінісін, Парсы шығанағының желкендер мен яхталарға толы сұлулығын, сонымен қатар Джумейра жағалауын тамашалауға болады. Бұл жерде сэттері Дубай радиосында тікелей эфирде берілетін ең үздік DJ ойнайды.  

Analog Room. Бұл Мехди Ансари мен Сиамак Амидидің жері, олар бұл істі аса үлкен махаббатпен және салтанатпен атқарған. Тура осы жерде бүкіл әлемнен жиналған продюсерлер мен DJ-ң андеграундндық музыкасының сүймелдеуімен ең керемет кештер өтеді. Сапалы музыканың қадірін білетін әрі бағалайтын адамдарға арналған жайлы орын!

Демалыс

БАӘ-де жасалуға тиісті 10 зат  

1. Бурдж Халифа зеңгір ғимаратының ең биік қарау алаңына көтерілу немесе ең болмаса оны үстінен тікұшақпен тамашалау
2. Ең ірі Candylicious тәтті тағам дүкенінде балалардың барлық арманын әп-сәтте орындау
3. Ferrari World-та американ сырғанағының бұрылыстарынан сағатына 240 шақырым жылдамдықпен жүйткіп өту
4. Әлемдегі ең салтанатты «Желкен» атты жеті жұлдызды қонақүйге тоқтап, ақшаны сарп ету    
5. Дайвинг сабақтарын алу және су астына батуға арналған «спотты» таңдау: автомобильдер қорымы, Мартини Рок, Снуппи аралы және көптеген басқа да жерлер
6. Сахарада орналасқан жалғыз тау-шаңғы кешені болып табылатын «Ски Дубай» атты 400 метрлік құламадан сырғанап түсу
7. Gold-to-go алтын сататын әлемдегі жалғыз банкоматтан алтын құймасын сатып алу
8. «Дубай Молл» сауда орталығындағы ішінде акула ығы-жығы өріп жүрген аквариумға сүңгу
9. Су сырғанақтарының алуан түрі мен санына таңғала отырып,  елдегі аквапарктердің бірінде болу 
10. Шөл даланың ортасында салынған Аль-Айндағы Хили Фан Сити саябағында коньки тебу

Көрікті жерлер

• Burj Al Arab қонақүйі

Барлығына дерлік жәдігерлерден кездестіруге болатын Дубай символдарының бірі. 

• Ferrari World бірегей ғимараты

Әлемге әйгілі  автомобиль компаниясынан ең ірі жабық тақырыптық саябақ, балалар мен ересектерге арналған 20-дан астам аттракцион 

• Шейх Зайд мешіті – Әлемдегі ең сұлу мешіт

БАӘ-ң бірінші президенті Зайд ибн Султан ан-Нахайян негізін қалаған.    

• Бурдж Халифа – Әлемдегі ең биік ғимарат 

Әлемнің ең биік шыңында тұрып, өзіңді тарихтың бір бөлшегі ретінде сезініп көр. 

• Гүл саябағы – Dubai Miracle Garden гүл саябағы

Ауданы 72 000 шаршы метр жерге созылып жатқан кең ауқымды аумаққа 45-тен астам түрлі гүл егілген. 

• Алтын базар – Мәдениетке етене ену

Бұл жерде сіз өз ерік-қалауыңызға толығымен ерік бере аласыз. 

• Ән салатын бұрқақ – Ән салатын дубайлық бұрқақ

150 метр биіктікке дейін көтеріліп, кейін өзара айқаса кетіп, төмен құлайды да әлдебір судағы биді елестетеді 

• Dubai Mall -әлемдегі ең ірі сауда-сауықтыру орталығы  

Бұл молдың басты көркі — нән аквариум!

• Аквариум – Dubai Mall -дағы аквариум

Бұл әлемдегі ең үлкен аквариум, бұны Гиннестің рекордтар кітабы да растайды

• Дәмдеуіштер базары – Дейрадағы дәмдеуіштер нарығы

Бұл алуан түрлі тәтті тағамдар, жеміс- жидектер мен дәмдеуіштер жайғасқан  сөрелері бар нағыз базар 

• Джумейра мешіті – Заманауи ислам мәдениетінің керемет үлгісі, Дубайдағы ең әйгілі және ең үлкен мешіт 
• Ski Dubai – Ski Dubai тау-шаңғы кешені

Әлемдегі тау-шаңғы шипажайларының арасында үлкендігі жағынан үшіншісі

• Wild Wadi аквапаркі – Wild Wadi аквапаркі

Өзара жолдармен және сырғанақтармен қосылған теңдесі жоқ 24 аттракцион, үлкен сарқырама, толқынды бассейн

• Capital Gate – Capital Gate еңіс зеңгір үйі

Әлемдегі ең еңіс Абу-Дабидегі 160 метрлік керемет зеңгір үй, Гиннестің рекордтар  кітабына енген

• Aquaventure аквапаркі – Қызықты оқиғаларға толы әлем  

Су толқынымен сырғанап түсіп, адреналин жарылысын сезін

Dolphin Bay – әлемдегі ең керемет орындардың бірі 

Керемет сүт қоректілермен тілдесіп, ұмытылмайтын сезімнің әсеріне рақаттаныңыз 

• Karama базары – Karama Market

Бұл көптеген шағын дүкеншелерден тұратын сауда кешені, онда адамның жанына қажеттің барлығын сатып алуға болады, тіпті ішінде жын салынған ғажайып шамды да. 

• Yas Waterworld -Футуристік сауық бағы

Бұл жерде әртүрлі 43 аттракцион орналасқан, олардың біреуі су және жарық әсерлері бар 550 метрлік Bandit Bomber сырғанағы  

• Kidzania – Бұл барлығы балалар үшін жасалған нағыз ересектер әлемі!

Бұл жерде барлығы бар: әуежай, ауруханалар, полиция, театр, дүкендер, бағдаршам орнатылған көшелер және басқалары — барлығы  нағыз қаладағы сияқты

• iFly Dubai – Ультразаманауи аэродинамикалық құбыр

Сізге қанат немесе парашют қажет емес – өйткені тура осы жерде сіз еркін ұшу рақатын сезіне аласыз!

Пайдалы жақтары

Араб Әмірліктері теңдесі жоқ сансыз ғажайыптарды жинаған ел. Ал ең маңыздысы – бұның барлығы адам қолымен жасалған.

Бұл жер адамның ақылы мен қабілетіне нағыз таңғалатын жер  – өйткені небәрі 40 жыл бұрын ғана жүректің жауын алып, көз тоймайтын осындай ғажайыптардың орнында ен дала, шөл сахара болатын!