Жаңа жылды ертегідей қай жерде қарсы алуға болатынын білесіз бе?
Жаңа жылды ертегідей қай жерде қарсы алуға болатынын білесіз бе?
Біз сізді армандарыңызды кейінге қалдырмай, мүмкіндікті дәл қазір пайдалануға талай рет ынталандырдық. Және Жаңа жылды БАӘ-де қарсы алу – сіздің жоспарларыңызда бар деп сенеміз. Жаңа жыл салютсіз бола ма?! Оған қоса Әмірліктер – әлемдегі ең “ғажайып” дестинациялардың бірі деп санауға болатын жер. Сондықтан fireworks-watching**** үшін ең жақсы жерлермен таныстырамыз.
WOW-ҚАЛАНЫҢ ЖАРҚЫН САЛЮТТЕРІ АСТЫНДА
Дубайдағы отшашулар “Гиннес рекордтар кітабына” енгенін білесіз бе? Елестетіп көріңізші, 2013 жылы Пальма Джумейра мен Мир архипелагында бар болғаны бір минуттың ішінде 80 мыңдай салют жіберілген! Ал 6 минут ішіндегі дүркіндер қосындысы шамамен 480 мың болған!1
2020 жылы Дубайдағы жаңажылдық отшашу көрсетілімін шамамен миллиард адам қараған, ал бұндай ғажапты көзбен көру үшін, қала көшелеріне 2 миллион адам жиналған!2 Бұл жылы да осы салюттардың жанында шампан ішетін бақытты адамдардың бірі болуға мүмкіндік бар. Бұндай мүмкіндікті қалай жіберіп алуға болады? Сіздер үшін Дубайдың үздік fireworks-view* локацияларын жинадық, және де білесіз бе не? Олардың барлығы дерлік су тегін!
Бурдж-Халифа. Әлемдегі ең әйгілі әрі көп күтілетін отшашулардың бірі тап осы жерде, ғаламшардың ең биік ғимаратының жанында жіберіледі.
Дубай субұрқағы. Ол бұрыннан бері өзінің керемет жарықтық-музыкалық бағдарламаларымен танымал, ал Жаңа жылға орай осы жерде ерекше жарықтық шоу ұйымдастырылады және де бұл Дубайда жаңа жыл түнін өткізу үшін таптырмас көрініс.
Дубай жағажайы. Бұл жерде жарқын оттар мен салюттер шығанақ суларына шағылысқанына, сәнді қайықтардың және Бурдж-Халифа мен басқа зәулім үйлердің үстінен төгілетініне шексіз қарай беруге болады.
Пальма Джумейра. 2024 жылдың күннің соңғы батуын қарсы алуға және Жаңа жылды салют жаңбырының астында жүріп тойлауға арналған ғажап жер.
Black Palace жағжайы. Бұл әлі саяхатшылар арасында қатты кең таралған орын емес, бірақ бекер екен. Өйткені бұл жерден Дубайдағы екі ең үлкен салютті тамашалауға болады: Бурдж-Халифа және Atlantis The Palm.
Дубай Молл. Отбасыңызбен бірге уақытты ойын-сауықпен өткізіп, өзіңізге және жақындарыңызға сыйлық алу және мерекелік салюттерді тамашалау үшін таптырмас орын. Сонымен қатар өзіңіздің көңіліңізді көтеріп, Дубай субұрқағы мен Бурдж-Халифа көрінетін моллдың мейрамханасында кешкі асты брондауға болады.
Dubai Festival City Mall. Дәл осы жерде күн батқаннан кейін су, жарық пен лазерлік проекцияны үйлестірумен “Гиннес рекордтар кітабына” енгізілген Imagine сиқырлы шоуы күн сайын көрсетіледі. Ал Жаңа жыл түнінде Фестивальдар бухтасында арнайы бағдарлама әзірленеді. Dubai Festival City Mall-дың ауқымын біле тұра, бұл жерде не болатынын елестетіп көру өте қиын. Бұны өз көзіңізбен көру керек.
Билеттер құны – 42 АҚШ долларынан бастап**.
Бурдж Саябағы. Ерекше мерекелік атмосферада отшашуларды тамашалауға арналған үздік орындардың бірі. Бұл жерде қонақтарды фудкорттар мен балаларға арналған сан алуан ойын-сауықтар күтуде.
Билеттер құны – ересектер үшін 155 доллардан және балалар үшін 99 доллардан бастап.
ЖАҢА ӘЛЕМ РЕКОРДЫНЫҢ ОРНАТЫЛУЫН КӨРЕ ОТЫРЫП
- 2022 жылдың қарсаңында Аль-Ватбада рекорд орнатылды – салюттардан жасалған ең үлкен дисплей және де 2022 дронды пайдаланып, “Welcome 2022” жазуын жасаған.
- 2023 жылды қарсы алған кезде – қатарынан бірнеше жаңа рекорд болды: 30 секунд ішінде жіберілген тікұшақ пен доңғалақ түріндегі отшашулардың ең көп саны; 30 секунд ішінде қайталанатын отшашулардың ең көп саны және дрондармен жасалған ең үлкен QR-код.
- Өткен жылы отшашулар шоуы 40 минут бойы өткізілген және ұзақтығы, түрі мен саны3 бойынша біруақытта бірнеше әлемдік рекордты жаңартқан.
2025 жылды Абу-Дабиде қалай қарсы алу жоспарлануда? Әрине, кең ауқыммен және жаңа рекордтармен! Бұндай көріністерді тамашалауға арналған мінсіз орындарды ұсынамыз:
Корниш жағажайы (Corniche Beach) – талғампаз ас мәзірі, ойын-сауық бағдарламасы, би перформанстары – бұның бәрі лагуна жағасында, миллиондаған оттар мен салюттер шағылысатын суда ұйымдастырылған.
Аль-Марьях аралы – жергілікті тұрғындар мен саяхатшылар арасында салюттерді көруге арналған сүйікті орындардың бірі. Бұл жерде қонақтарға ойындар, аттракциондар, сондай-ақ музыкалық өнер көрсетілімдері ұсынылады. Диджейлер Кит Доббстың және Роб Форресттің биттарына би билеу болсын немесе жұлдызды саксофонист Миланның әуеніне релакс күйін кешу болсын — әркім өзі үшін мінсіз мерекелік атмосфераны табады.
Яс аралы – тақырыптық саябақта уақыт өткізу, Yas Marina Circuit Формула-1 жолында көлік айдау, әлемдік санаттағы алаңда гольф ойнау, ал кешке жағажайда отшашуларды тамашалау. Жаңа жылды қарсы алу үшін керемет жоспар емес пе?!
Аль-Ватбадағы Шейх Заид фестивалі – қызықтың бәрі осы жерде болады. Ертегі қарашаның басынан басталады. Осы жылдың бағдарламасында: Heritage Village қоса алғанда 6 000 астам халықаралық мәдени іс-шара, 1 000 көрме, сонымен қатар 27 елден келген 30 000 астам экспонент пен қатысушы. Және де, сөзсіз болатыны, рекордтық салюттер. 2025 жылды әлемдегі ең ұзақ жанатын “Жирандольмен”*** қарсы алу жоспарлануда. Бұндай ғажайыптың алдында қалай шыдап тұруға болады? Шыдаудың қажеті жоқ. Бізбен бірге Абу-Дабиге ұшыңыз!
Біз ең үздік отельдердің топтамасын дайындап қойдық. Тек таңдау ғана қалды.
Біздің ұсыныстар:
| Дубай | Абу Даби | |
Air Astana-мен Дубайға ұшамыз:
- Алматыдан – күн сайын,
- Астанадан – күн сайын,
- Атыраудан – дүйсенбі және сенбі күндері.
Join UP!™-пен бірге БАӘ-де ертегідей жаңа жылдық демалысты өткізіңіз
1 The national news
2 Gulfnews
3 Times of India
* салюттерге көрініспен
** осы жерде және жарияланған сәтіне өзекті бағам бойынша.
*** итальян сөзі, әсерлі жарықтық композицияны білдіреді
**** ағылшын тілінен салюттерді қарау
