ТЕҢДЕСІ ЖОҚ БАӘ: SHARJAH

Шарджа мәдени мұрасымен, аутентикалық атмосферасымен және алуан түрлі белсенді сауық түрлерімен тартады. Әмірлікте табиғатты да аса қатты аялайды, сондықтан бұл жерде қорық аймақтары өте көп. Сирек кездесетін жануарлар мен құстарды бақылауға болатын ең керемет жерлерді жинап алдық. Егер сізде БАӘ шексіз шөл ғана деген ой қалыптасып қалған болса, біз сізді таңғалдыруға дайынбыз.

Шарджаның оталығында орналасқан осы жасанды аралдағы гүлге оранған бақтар өз қойнауына сирек кездесетін өсімдіктерді ғана емес, ерекше көркем инсталляцияларды да қойнына сіңірген. Бұл осы бақтың нағыз қазынасы – алтын шатырлы әлем-жәлем ғимарат. Бұл көбелектер үйі, онда әлемнің түпкір-түпкірінен алып келген 500-ден астам экзотикалық хас сұлулар мекендейді. Бұл жерден әртүрлі жібек құрттарды да кездесіруге және көбелектерді алақанда ұстап көруге болады.

Жергілікті тұрғындар бұл қорық аймағын «қаланың жасыл өкпесі» деп атайды. Бұл жерден 200+ құс түрін кездестіруге болады және табиғатта өмір сүретін басқаларына да жағдай жасалған: құмды дөңдер, дымқыл сортаң, өзара қосылған тоғандар және үлкен тұзды көл

Гольф-кармен сапар кезінде бинокльмен құстарды жақынырақ көріп, арнайы жабық жерлерден жақын арақашықтықтан оларды бақылауға болады. Қанаттылардың кейбір түрлерін тек БАӘ-де көруге болады.

Егер сіздің түсінігіңізде шөл дала телегей теңіз кұмды дөңдер мен шақырайған күннен ғана тұратын болса, бұл қорық сізді қатты таңғалдырады. Бұл жерге баруға толық бір күнді арнаған жөн, өйткені бұл кең байтақ жерден сіз мыналарды табасыз:

• Жаратылыс тарихының мұражайы, ол сізді осы аймақтың экожүйесімен таныстырады.
• Исламдық ботаника бағы – бұл жерде Қасиетті Құранда айтылған өсімдіктер жиналған.
• Арабияның жабайы табиғат орталығы – бұл жерден жылан, кесірткі және сарышаяннан бастап гепард, шағыл мысығы, бөкендер мен бабуиндарға және т.б. дейінгі жануарлардың 100-ден астам түрін көруге болады.
• Ферма – ең кішкентай қонақтарды бейжай қалдырмайды, өйткені бұл жерде ешкі мен қойды басынан сипап көруге болады, боталарға тамақ беріп, үстіне отырып көруге болады.

Африканың шегінен тыс орналасқан ең үлкен сафари-саябағы сегіз шаршы шақырымға жайылып жатыр. Қазір онда Оңтүстік Африка мен Еуропаның хайуанаттар бағынан әкелген 1 000 жуық мекендеуші бар. Бірақ жуық арада осы бақ тұрғындарының саны 50 000-ға жетеді деген болжам бар.

Мүйізтұмсықтарды, арыстандарды, бөкендерді, керіктерді, қолтырауындарды және басқа да жабайы хауанаттарды көру үшін нағыз африкалық сафариге аттаныңыз:

• ашық мини-автобустарда – бір адамға 120 дирхамнан басталады.
• автомобильде жеке экскурсия – 275 дирхамнан басталады.
• осы аумақты жаяу аралау – 40 дирхамнан басталады.

Әмірліктің 12 шаршы шақырымға созылып жатқан шығыс бөлігінің аумағы – 30+ тау жануарларының сирек түрлеріне арналған үй. Олардың кейбіреуі жойылып кетудің аз алдында. Гольф-кармен серуен кезінде араб қасқырын, тарды, сілеусінді, қарақалды және жер бетінде ең ұстатпайтын мысықтардың бірі- жабайы табиғатта қалмаған аса сирек кездесетін арабиялық қабыланды көруге болады.

Таяу Шығыстағы жыртқыш құстарды асырап, көбейтетін осындай жалғыз орталық. Бұл жергілікті жердің тарихының ең үлкен бөлігі, өйткені Араб түбетіндегі бәдәуи тайпалары жыртқыш құстарды пайдалана отырып аң аулаған.

Бұл жерден үкілерді, тазқараларды, қырандарды, құзғындарды, жыланшы қырандарды, үлкен шаңқылдақ қырандарды, сұңқарларды және т.б. көруге болады. Кәсіби орнитологтар шоуының сізге терең әсер қалдыратынына сенімдіміз, олар жыртқыш құстардың қалай аң аулап, қорек табатынын көрсетеді.

Арабиядағы ең ескі манга ағаштары Хор Кальба мүйісінде орналасқан. Бұл экожүйеде сирек жануарлар мен құстар өзіне пана тапқан: жойылып кетудің аз алдында тұрған ақ тамақты көктарғын, қоңыр айқабақ сайка, жасыл тасбақалар және теңіз тасбақалары биссалар. Гидтің басшылығымен сапсерфингке немесе каяктағы экскурсияға аттануға болады – жарқын эмоциялар қамтамасыз етілген!

Сондай-ақ бұл аумақта мұражай бар – оның ішінде шаяндарды, теңіз қиярларын, теңіз жұлдыздарын, теңіз кірпілерін және әртүрлі шаян тәріздестерді көруге болады.

---

Табиғи ортаға, жануарларға, құстарға деген аса қамқорлық Шарджаны табиғатты сүйетін адамдар үшін ең керемет жерге айналдырды. Бұл жерде көбелектен бастап қабыланға дейін барлық тіршілік иесі өзін жайлы сезінеді. Сондықтан кішкентай саяхатшылар да, тәжірибелі табиғатты зерттеушілер де бейжай қалмайды. Өзіңіздің ұмытылмас саяхатыңызға арналған қонақүйді жылдам таңдаңыз.

*жариялым сәтінде доллардың дирхамға шаққандағы бағамы 1 USD = 3,67 AED