Самуиге саяхат: Таиландтағы велнес-демалыс өнерімен танысамыз

Еске түсіріңізші: оятқыштың дабылынсыз қашан ояндыңыз? Асықпай түскі ас ішіп, қатарынан жұмыс мәселелерін шешпеген кезіңіз қашан болды? Мереке не демалыс күндерін күтпей-ақ өзіңізге жай ғана тынығуға қашан мүмкіндік бердіңіз?

Қазіргі заманда асықпай өмір сүрудің өзі бір сән-салтанатқа айналды. Бірақ бұл – әркімнің қолы жете алатын құндылықтардың бірі. Ол үшін тек дұрыс әрі сапалы демалуды үйренсеңіз жетіп жатыр! Барлық уайымды артқа тастап, ішкі «Өзіңізге» сеніп, «осында және қазір» күйіне назар аудару. Иә, мұның оңай емес екенін түсінеміз. Бірақ бұл үдерісті жеңілдететін бір ойымыз бар. Самуидегі шағын ретритке қалай қарайсыз?

Бұл тай аралы әлдеқашан Таиландтың ғана емес, сонымен қатар бүкіл әлемнің басты велнес-бағыттарының біріне айналған. Бұған HBO ұсынған көпшілік талқысына түскен «Ақ лотос» хикаясының үшінші маусымын көргенде көз жеткізген боларсыз, оқиға желісі Самуидегі резорттардың бірінде өрбиді. Бұл хикая көрермендерінің Самуиді саяхатқа барғысы келетін орындар тізіміне қосуына себеп болды, дегенмен арал бұған дейін де туристер арасында үлкен сұранысқа ие еді.

Ең қарапайымынан — тыныс алудан бастаңыз

Аралдағы көптеген қонақүйлер саналы өмір сүруге арналған бағдарламаларды, тыныс алу жаттығуларын және тәжірибелі нұсқаушылармен өтетін сабақтарды ұсынады. Бұрын-соңды медитацияны жасап көріп едіңіз бе? Самуи – алғаш танысу үшін тамаша орын! Өйткені Таиландтың осы бөлігіндегі қарапайым серуеннің өзі жан мен тән саулығына арналған ең ерекше әрі ұмытылмас тәжірибеге айналуы мүмкін. Төменде міндетті түрде серуендеп көруге тұрарлық бірнеше орынды жинадық. Терең тыныс алып, аралдың ғажайып бұрыштарын бірге ашыңыз:

• Ламай жағажайы
• Намуанг сарқырамасы
• Лаем Сор ғибадатханасы
• Будданың жұмбақ бағы
• Тан Руа сарқырамасы
• Кристал Бэй жағажайы
• Ангтонг Ұлттық теңіз саябағы
• Көбелектер бағы
• Paradise Park Farm
• «Ата-әже » тастары

Ежелгі дәстүрлерге сенім артыңыз

Тай халқы ғасырлар бойы денеге күтім жасау өнерін жетілдіріп келеді. Мысалы, әйгілі тай массажының дәстүрі осыдан 2 500 жылдан астам уақыт бұрын қалыптасқан. Қытай, аюрведа және йога медицинасының үздік дәстүрлерін ғасырлар бойы негізге ала отырып, тай халқы денеге күтім жасаудың өзіндік бірегей әдісін қалыптастырды. Соның өзі бүгінгі саяхатшылардың бұл елге қайта-қайта оралуына себеп болып отыр.

Назарға алыңыз: Таиландта массаж сеансын 12:00–16:00 аралығына жоспарлаған дұрыс. Осылайша күннің аптап ыстығын жайлы әрі пайдалы өткізесіз. Ал кешкі 21:00–00:00 аралығы денені босаңсытып, тыныш ұйықтауға көмектеседі.

Қуатпен толығыңыз

Тәні саудың — жаны сау. Бұл сөздер қанша жерден үйреншікті естілгенімен, олардың ақиқатын жоққа шығару мүмкін емес. Иә, спорт – өзіңізге қамқорлық жасаудың көбірек күш-жігерді қажет ететін тәсілі. Бірақ сонымен бірге ең тиімді тәсілдердің бірі. Мұны Самуиде де жақсы түсінеді.

Мұнда көптеген саяхатшылар жайбарақат демалысты дене шынықтырумен ұштастырады. Соның арқасында олар үйлеріне күш-қуатқа толып, жаңа жетістіктерге шабыттанып оралады. Бәлкім, сіз де Самуиден жаңа бір спорттық хоббимен қайтарсыз?

Денсаулықтың дәмін сезініңіз

Тай тағамдары, жалпы Азия елдерінің тағамдары сияқты, ащы әрі өткір дәмімен ерекшеленеді. Жергілікті тағамдарда тәтті, қышқыл және тұзды дәм де айқын сезіледі. Мұндай күрделі дәмге үйренбеген саяхатшыларға дәмдеуіштері, татымдары мен чили бұрышы аздау тағамдарды таңдаған жөн.

Сонымен қатар: Самуи – тропикалық арал, сондықтан мұнда ағзаға өте пайдалы алуан түрлі жемістердің мол қоры барын ұмытпағайсыз.

Өзіңізге жай ғана демалуға рұқсат беріңіз

Бәлкім, Самуи ұсынатын ең құнды мүмкіндік – осы. Демалысты кінә сезімінсіз өткізу. Шексіз істер тізімінсіз. Әр сәтте өнімді болуға міндетті болмай демалу. Тек пальма астындағы гамакта жатып, күннің аспандағы айналымын тамашалау, толқынның шуын тыңдау. Осындай сәттің өзі турды қазірден бастап брондауға себеп емес пе?

Қайда тоқтауға болады

Banyan Tree Samui 5* Centara Reserve Samui 5* Hyatt Regency Koh Samui 5*

Melia Koh Samui 5* OUTRIGGER Koh Samui Beach Resort 5* Sheraton Samui Resort 5*

Join Up!-пен Самуи

Ұшу бағдарламасы: Алматыдан Самуиге Пхукет арқылы түйісумен аптасына алты күн (жексенбіден жұмаға дейін) саяхаттаймыз

Самуи бекерден «үйлесім аралы» деп аталмайды. Мұнда велнес – сәндік тренд емес. Оны үйреніп, өзіңізбен бірге үйге алып кеткіңіз келетін өмір салты.

---

* ағыл.»Жұмақ саябағы» фермасы