Сауд Арабиясы: бұл елге неліктен баруыңыз керек

Join Up! саяхат бағыттарының картасында тағы бір ел пайда болды. Бұл өлкенің табиғи байлығы туралы естіп, оған баруды армандап жүрген де шығарсыз? Ендеше, сол сәт сіз ойлағаннан да жақын. Сауд Арабиясының таңғажайып әлемін ашуға дайынсыз ба?

Көптеген саяхатшылар үшін әлемнің бұл бұрышы әлі де беймәлім болып қалуда, сондықтан бұл жердегі демалыс тіпті көпті көрген туристердің өзін таңғалдыра алады. Тіпті, елде бұл үшін барлық жағдай жасалған: жоғары деңгейлі резорттар, жайлы қонақүйлер, таңғажайып табиғат, ерекше ландшафттар, қайталанбас мәдениет және де сансыз ойын-сауықтар күтуде.

Сауд Арабиясындағы туристік инфрақұрылым ерекше, тіпті көп жағынан болашақтың тынысын сездіретін өзіндік стильмен дамып келеді. Айқын мысал — Shebara Resort курорты. Мұндағы әр вилланың пішіні фантастикалық ғарыш кемесін еске салады. Сауд Арабиясы туристік имиджін қалыптастыруға ерекше мән беріп, бұл бағытта заманауи әрі батыл шешімдерді жүзеге асырып келеді. Елдің туризмді дамытудағы жетістіктері халықаралық деңгейде де мойындалған. Өткен жылы Сауд Арабиясы туризмді дамытудағы елеулі жетістіктері үшін World Travel Awards сыйлығына ие болды.

Ал егер Сауд Арабиясына бару-бармау туралы әлі де ойланып жүрсеңіз, бұл елдің саяхатшылар үшін міндетті түрде баруға тұрарлық бағыт екенін дәлелдейтін бірнеше себепті жинақтадық.

Сауд Арабиясы — өзіндік ережелері мен мәдени құндылықтары қалыптасқан ел. Сондықтан, саяхатқа шықпас бұрын олардың кейбірімен алдын ала танысып алған жөн:

• Виза. Қазақстан азаматтарына Сауд Арабиясына туристік мақсатпен бару үшін виза қажет. Қазақстандықтар туристік электронды визаны (eVisa) онлайн режимде оңай рәсімдей алатын елдердің тізіміне кіреді. Бұл виза бір жыл бойы жарамды, елге бірнеше рет кіріп-шығуға мүмкіндік береді және онда 90 күнге дейін болуға жарамды. Төлқұжаттың жарамдылық мерзімі елге кірген күннен бастап кем дегенде алты айды құрауы тиіс.
• Тілдесу. . Тілдік кедергілер туралы алаңдаудың қажеті жоқ. Ірі қалаларда, әсіресе қонақүйлерде, мейрамханаларда, әуежайлар мен танымал туристік орындарда ағылшын тілі кеңінен қолданылады.
• Киім үлгісі. Қоғамдық орындарда жергілікті дәстүрлерге құрметпен қарап, жинақы киіну ұсынылады. Саяхатшы әйелдерге абайя кию немесе орамал тағу міндетті емес, алайда шипажай аймақтарынан тыс жерлерде тым ашық немесе денеге жабысып тұратын киім кимеген жөн. Ал жағажайлар мен курорттық кешендер аумағында киімге қойылатын талаптар әлдеқайда еркін.
• Ақша. Сауд Арабиясының ұлттық валютасы — сауд риалы (SAR). Кафелерде, мейрамханаларда және туристер жиі баратын орындардың көпшілігінде банк карталарымен төлем жасауға болады. Сондықтан үнемі қолма-қол ақша алып жүрудің қажеті жоқ.
• Ауыз су. Ішу үшін бөтелкедегі немесе арнайы сүзгіден өткен суды таңдаған дұрыс. Қонақүйлерде бұл мәселе әдетте алдын ала қарастырылған.
• Алкоголь. Сауд Арабиясында алкогольді тұтынуға, сақтауға және елге алып кіруге қатаң тыйым салынған. Сондықтан ішімдіктерді тіпті дьюти-фриден де алмаған жөн.
• Қауіпсіздік. Сапарға шықпас бұрын ресми ұсынымдар мен рейстердің мәртебесін тексеріп отыруды кеңес береміз. Аймақтағы жағдайлар мен ұшу шарттары өзгеріп отыруы мүмкін.

Қызыл теңіз

Көгілдір су, маржан рифтері және аралдар тізбегі — Сауд Арабиясындағы Қызыл теңіз жағалауынан талай әсем көріністерді тамашалауға болады. Бұған қоса, дәл осы жағалауда Сауд Арабиясының жаңа туристік бағыты — жыл бойы қызмет көрсететін премиум кластағы «Қызыл теңіз» жобасы қарқынды дамып келеді. Болашақта оның жалпы аумағы маңайдағы аралдарды қоса алғанда, бірнеше мың шаршы шақырымды қамтиды. Қазірдің өзінде мұнда дәстүрлі жағажай демалысымен қатар, дайвинг, снорклинг, теңіз саяхаты және экологиялық туризм сияқты белсенді ойын-сауық түрлеріне үлкен мән берілуде. Кешеннің басты мақтаныштарының бірі — пішіні дельфинге ұқсайтын бірегей Шура аралы.

Әль-Ула

Сауд Арабиясының шөл даласы талай бірегей қазынасын жасырып жатыр. Солардың бірі — Әль-Ула шұраты Бұл жердің табиғи ландшафты алып ашық аспан астындағы театрды еске түсіреді: айналаны құмдақты зәулім жартастар қоршап тұр, ал ортасында бай тарихы бар көне қала орналасқан. Аймақтың басты інжу-маржаны — Сауд Арабиясындағы ЮНЕСКО-ның Бүкіләлемдік мұра тізіміне енген алғашқы нысан — Хегра немесе Мадаин-Салих. Мұнда тікелей жартастардан қашалып жасалған, ежелгі набатейліктердің монументалды мазарлары бүгінгі күнге дейін зерттеушілер мен саяхатшыларды таңғалдырып келеді.

Эр-Рияд, Дирия, Джидда

Көз тартарлық шөл ландшафттары — бұл Сауд Арабиясы сізді таңғалдыра алатын жалғыз дүние емес. Елдің бүкіл сан алуандығын сезіну үшін саяхатыңызды оның заманауи әрі тарихи қалаларымен толықтырыңыз. Мысалы, Эр-Рияд, Дирия немесе Джиддаға жасалған танымдық сити-брейк сапарыңызға жаңа әсерлер сыйлайтыны сөзсіз:

• Эр-Рияд. Егер Әль-Ула сізді жүздеген жылдар артқа жетелесе, Эр-Рияд Сауд Арабиясының мүлдем басқа қырын — қарқынды, жаңашыл әрі футуристік бейнесін көрсетеді. Бір ғана Зәулім Патшалық мұнарасы немесе Эр-Рияд Сити бульвары ерекше әсерге тұрарлықтай. Бас қала өзінің ауқымымен сізді тәнті ететіні анық.
• Дирия. Эр-Риядтың заманауи орамдарына таяу жерде тұңғыш Сауд мемлекетінің іргетасы қаланған тарихи аймақ — Дирия орналасқан. Мұндағы Ат-Турайф ауданында дәстүрлі сәулет өнері бүгінге дейін сақталған, ал Дирияның өзі ЮНЕСКО-ның Бүкіләлемдік мұра тізіміне енгізілген.
• Джидда. Қызыл теңіз жағалауындағы іскерлік орталықтың салмақты мінезі мен курорттық қаланың жеңіл атмосферасын сәтті ұштастырған жандандырылған портты қала. Қаланың қақ ортасында дәстүрлі сәулетімен, көне үйлерімен және өзіне тән дәстүрлі ағаш машрабияларымен (торлы терезелерімен) ерекшеленетін Әль-Балад тарихи ауданы орналасқан.

Қазақстаннан Сауд Арабиясына ұшамыз:

Сейсенбі, бейсенбі және жексенбі күндері — «Qatar Airways» әуе компаниясымен Доха арқылы Ханак қаласына;
Күн сайын — «flydubai» әуе компаниясымен Дубай арқылы Табук қаласына.

Сауд Арабиясы сіздің келесі үлкен жаңалығыңызға айналуы үшін барлық негіз жеткілікті сияқты. Енді тек қолайлы күндерді таңдап, Join Up!-пен бірге ұмытылмас саяхатқа жол тарту ғана қалды!