#какиеновости: начало сезона в Дубае и топовые МІСЕ-дестинации
WELCOME TO SHARJAH!
Біз сіздің қаншалықты белсенді әрі шабыттана жұмыс істейтініңізді білеміз, сондықтан сізді қуантқымыз келіп тұрады. Сапарға қарағанда әмбебап әрі тартымды ешнәрсе табыла қоймас, сірә. Ал ол БАӘ-де болса, «WOW» әсеріне кепілдік беріледі.
Шарджа — кез келген туристі өзіне ғашық ете алатын бірегей әмірлік. Ал біз саяхатттың жайлы өтуін де ойластырып үлгердік:
| Air Arabia жаңа борттары орындықтары өте кең және аяққа арналған кеңістік үлкен, | |
| Алматыдан тура рейстер күнделікті, | |
| Әуе билетінің құнына жүк, сэндвич пен су кіреді, | |
| Шарджа — саяхатты бастауға арналған өте ыңғайлы нүкте, өйткені бұл жерден кез келген өзге әмірлікке дейін 25 минуттан бастап 1 сағат 40 минутқа дейінгі аралықта жетуге болады, | |
| Қалалық және жағажайлық қонақүйлердің кең талғамы ұсынылады. |
Біздің ұсынымдарымыз:
Occidental Sharjah Grand 4*, Coral Beach Resort Sharjah 4* және Royal Hotel 3* қонақүйлері жеке трансферге 50% жеңілдік ұсынады.
ШАРДЖАҒА БАРУДЫҢ 5 СЕБЕБІ
- Екі теңіз жағалауы. Шарджа бірден екі шығанаққа шыға алады: Араб және Осман. Белсенді жағажай инфрақұрылымының әуесқойларына батыс жағалау лайық, мысалы — Аль Хан (Al Khan Beach) жағалауы. Ал таңғажайып су асты әлеміне үңілгісі келетіндерге шығыс жағалауға Корфаккан (Khorfakkan) жағажайына аттанған дұрыс.
- Араб әлемінің мәдени астанасы — Шарджаға бұл атақты 1998 жылы ЮНЕСКО берді, ол өзінің бай тарихи мұрасы мен салт-дәстүрге деген ізгі қарым-қатынасының арқасында осы дәрежеге көтеріле білді. Көптеген мұражайлар, арт-галереялар, осы күнге дейін сақталып қалған ежелгі құрылыстар, нарықтар «Шарджаның жүрегі» деп аталатын жобаға біріктірілген. Бұл ирелеңдеп жатқан көшелер мен дәстүрлі ғимараттарға толы аса көрікті колоритті аудан — әмірліктің ең маңызды мәдени орындарының бірі.
- Дәстүрлі шопинг. «Шарджаның жүрегі» бірнеше дәстүрлі нарықты қамтиды:
Аль-Шанасия және Сакр, онда тоқыма бұйымдары, дәмдеуіштер, парфюмерия, сонымен қатар қолөнер бұйымдары сатылады. Аль-Арса — БАӘ-дегі ең көне базар. Орталық базар — қаладағы ең үлкен әре танымал базар, онда шағын шығыс атмосферасы қалыптасқан – жәдігерлерді, әсіресе, кілемдерді, зергерлік бұйымдарды, антиквариат сатып алуға арналған танымал орын. Аль-Джубейл нарығы — жеміс-жидектерді, жоғары сапалы дәмдеуіштерді өте жақсы бағаға сатып алуға болатын ең жақсы азық-түлік базары. - Балаларға арналған шұрайлы жер. Шарджада балаларға арналған сауық түрі өте көп: тақырыптық саябақтар, балалар алаңдары, аттракциондар мен орталықтар. Мұражайлардың бірқатары балаларға бағдарланған. Экспозициялар жиі интерактивті болып келеді, онда балақайлар экспонаттармен ойнап, жаңа ілім жинайды.
- Белсенді демалыс. Шарджада тіпті ең белсенді саяхатшылар да зеріге қоймайды: судағы спорт түрлері, снорклинг, дайвинг, джип-сафари, багги және даладағы жылқымен серуендер, тау лагері және Кальбадағы манг қорығы, каякинг, тау велосипедтеріндегі сапарлар, трекинг. Ал Шарджадағы Атқыштар клубы мен гольф-клубта туристерді гольфқа арналған 9 ұяшықты алаң, Таяу Шығыстағы ең ірі атуға арналған жабық тирлер, ашық және жабық алаңдары бар пейнтбол бағы, спа-орталық және бассейндері мен мейрамханасы бар демалыс аймағы күтеді.
АЙМАҚТАҒЫ MUST VISIT:
| Аль Маджаз жағалауының қала бойынша жол көрсеткіштің алғашқы беттерінде көрсетілуі жәйдан жәй емес— бұл Халид шағын мүйісіне панорамалық көрініс ашылытын көрікті серуендеу алаңы. Бұл жерде әртүрлі кафе, мейрамханалар, дүкендер, ашық ойын алаңдары, аттракциондармен жасақталған жабық балалар орталығы, қайыққа, байдаркалар мен катамарандарға толы кемеаялдамалары бар. | |
| Аль Нур арал-саябағы — экзотикалық өсімдіктердің 85 түрі бар керемет ландшафты бақ. Аралдың басты көрікті орны — Көбелектер үйі, онда бүкіл әлемнен экзотикалық көбелектің 500+ түрі мекендейді. Аралда балаларға арналған ойын алаңы бар. | |
| Аль Монтаза ойын-сауық бағы Шарджаның қақ ортасындағы Халид лагунасында орналасқан және бірнеше бөліктен тұрады: «Аңыздар аралы» тақырыптық бағы, оның аттракциондары әртүрлі елдер мен халықтардың аңыздарымен және дәстүрлерімен шабыттанған, 35 түрлі сулы аттракционы, жасанды толқынды бассейні және балаларға арналған ойын алаңы, мейрамханалары мен кафелері бар «Інжу патшалығы» аквапаркі. Бұл кешеннің ең көрікті тұсы — «Әмірліктің жанары» шолу дөңгелегі, одан қалаға керемет көрініс ашылады. | |
| Жауын-шашын бөлмесі — жауын-шашынды бейнелейтін үздіксіз су ағыны бар үй-жай. Бөлменің жарық түспейтін кеңістігінде қалып қойған кірушілердің үсті су болмайды – арнайы датчиктер адамның әрбір қозғалысын қадағалап, адам бұрылған жерде суды өшіріп отырады. | |
| The Chedi Al Bait қонақүйі. Дизайнерлік бутик-қонақүй 53 бөлмеден тұрады, ол дәулетті Аль Мидфа отбасына тиесілі бірнеше ежелгі үйде орналасқан. Қонақүйдің кітапханасынан бұрынғы иегерінің фотосуреттерін, сонымен қатар тарихи кітаптар мен интерьер бұйымдарын көруге болады. Бұл ерекше қалалық резорт тұжырымдамасы біруақытта дәстүрлі атмосфераға еніп, Шарджаның қақ ортасында ерекше жайлылықпен демалуға мүмкіндік береді. | |
| Млейха археологиялық аймағы. Шөл даланың қойнауында талай құпия көміліп жатыр, бірақ ең білімқұмар әрі ынтық жандарға өз пердесін ашады: Млейха археологиялық кешенінен жергілікті жердің тарихымен танысып, ежелгі құрылыстарды көріп, кейін джипке отырып, үлкен-үлкен құмдарды аралап, күннің батуын тамашалуға болады. | |
| Сафари-Шарджа Африканың шегінен тыс ең үлкен сафари-бақ. Бақ сегіз шаршы километрден астам жерді алып жатыр, ол жерді қазіргі кезде Оңтүстік Африка мен Еуропаның зообақтарынан жеткізілген шамамен 1 000 жуық аң мекендейді – арыстан, жираф, мүйізтұмсық, қолтырауын және т.б. |
Кеңест: қаланы танып, білудің керемет әдісі — City Sightseeing екі қабатты автобусындағы сапар. Ол 10:00 мен 17:00 аралығында күнде жүреді және басты туристік көрікті жерлердің маңында тоқтайды. Билетті сатып алған сәттен бастап 24 сағат ішіне сіз автобусқа кез келген аялдамадан мініп, кез келген аялдамадан түсе аласыз.
ДӘМДЕУІШТЕРДІ ҚАТА КЕТЕЙІК
Тамақ— жергілікті жердің тарихы мен жергілікті адамдардың жан дүниесін танып білудің ең керемет әрі қарапайым әдісі. Біздің аса қадірлі қонақтарға дастархан жайып қарсы алуымыз бекер емес қой. Шарджаның «дәмін қалай татуға болады»?
Аль Маджаз жағалауындағы Al Fanar мейрамханасы.
Ненің дәмін татып көруге болады: үш түрлі дәстүрлі таңғы ас және балдан, жаңғақ пен құрмадан әзірленген атақты араб десерттері.
Аль Касба жағалауындағы Shababeek ливан тағамдарының мейрамханасы.
Ненің дәмін тату керек: ауызда еритін грильде әзірленген халуми және ыстық ірімшіктен салмасы бар теңдесі жоқ десерт.
Аль Джубейль нарығындағы 1441 мейрамханасы.
Ненің дәмін тату керек: жаңа ауланған балық пен теңіз өнімдерінен әзірленген тағам, ірімшік қосылған құймақ, құрма мен бал шәрбаты.
Аль Шанасия нарығындағы Arabian Tea House мейрамханасы 1997 жылдан бері келе жатқан алғашқы әмірлік мейрамханасы.
Ненің дәмін тату керек: люкеймат тәтті тағамы және құрма шәрбаты мен дәстүрлі араб кофесі
Laffah кафесі – Аль Касба жағалауындағы таяу шығыстық стритфуд.
Ненің дәмін тату керек: қой еті мен тауық еті қосылған шаверма, қуырылған қанаттар, топпинг қосылған чисптер, бургерлер.
Саяхаттан соң сіздердің және сіздердің туристеріңіздің өз сүйікті жерлерінің тізімін құрастыра алатындығына сенімдімін. Біз сіздермен осы эмоцияларды бөлісуге шын жүректен қуанамыз. Сәттілік тілейміз!
