БАӘ-мен танысу. Қанаттағы керемет тәжірибе Air Arabia

WOW – біздің БАӘ-дегі басты демалыс тұжырымдамамызға айналған. Өйткені бұл ел ең талғампаз саяхатшыларды да таңғалдырып, жүректерін жаулап алып жатады! Біз Join UP! -та туристердің демалысы мінсіз өтуі үшін барлығын әзірлеп қойдық және бүгін Air Arabia арқылы Шарджаға ұша отырып, бізбен бірге саяхаттаудың барлық артықшылықтары туралы әңгімелеп береміз.

Жуық арада біздің агенттеріміз жармана турына барып, ұмытылмас демалыс үшін БАӘ-ң таптырмас жер екеніне көздерін жеткізіп қайтты. Ал енді – толығырақ.

Ұшақ – бұл жетемін деген жерге жеткізіп қана қоятын жансыз көлік түрі ғана емес. Бұл таңғажайып орын, демалыс дәл осы жерден басталады. Осылайша тасымалдаушы Air Arabia үнемі саяхатшылардың жайлылығын қамтамасыз етуге тырысады. Әуе компаниясының өкілі біздің агенттерімізді саяхатта да жалғыз қалдырған жоқ, ол демалысты әуеден бастап кетуге мүмкін беретін жоғары ұшу деңгейі туралы жеке өзі әңгімелеп, көрнекі түрде көрсетуге тырысты.

Air Arabia – Таяу Шығыстағы алғашқы лоукост-тасымалдаушы. Бізге ең қатты ұнағаны – саяхаттың жағымды бағаларының әдеттегі жайлылық пен сервистің жоғары деңгейімен үйлесуінде. Air Arabia-мен ұшудың ұмытылмас саяхаттың керемет стартына айналуының бірқатар себебі бар.

✓	Борттар. Су жаңа Airbus A320-да ұшамыз, қанаттары кең, аяққа арналған кеңістігі үлкен (82 сантиметр). Бұл ұшақта жайлы отырып қана қоймай, көз шырымын алып, тәтті ұйқыға да кетуге болады.
✓	Жүк. Билеттің құнына қол жүгі мен 20 кг-ға дейінгі багаж да қосылған. 2 жасқа дейінгі балаларға сөмке мен жиналмалы бала арбасын да бірге алуға болады.
✓	Тамақтану. Әр билеттің құнына дәмді тауық етінен әзірленген сэндвич пен бір бөтелке минералды су кіреді. Қосымша ақыға ыстық тамаққа тапсырыс беруге болады (ұшуға дейін кемінде 24 сағат бұрын). Мәзір алуан түрлі: жеңіл таңғы астар, көкөніс салаттары, ет қосылған және вегетариандық тағамдар, сусындардың алуын түрі және балаларға арналған мәзір.
✓	Қосымша қызметтер. Жолаушыларға қажет болған жағдайда қосымша жүк алуға болады немесе өзіне жайлы орынды таңдауға болады (қосымша ақыға).
✓	Сауықтар. Бастысы – жолға өзіңізбен бірге құлаққап алуды ұмытпаңыз, сонда жолда ішіңіздің пыспасы анық. Өз гаджетіңіз арқылы SkyTime борттық жүйесіне қосыла отырып, жолаушылар өз коллекциясындағы фильмдер мен сериалдарды көре алады, баратын жеріндегі қалалар туралы пайдалы ақпаратты біле алады, сонымен қатар қызықты ойындар ойнай алады.
✓	Тіркеу. Әуежайда жылдам әрі тегін жүргізіледі. Кері ұшу кезінде Шарджа әуежайындағы Smart Gate қызметі арқылы тіркеуден өз бетімен де өте аласыз.
✓	Қамқорлық. Бұл жолаушылардың есінде қалатын осы ұшудың керемет қасиеттерінің бірі. Борт серіктер саяхатшылардың барлық сұрақтарына жауап беріп, өтініштерін қанағаттандыруға тырысады.

Хадизат Малыкбаева Web Tours турагенттігі Маған Air Arabia борттарында кең орындықтар мен аса қайырымды борт серіктер қатты ұнады. Бортта тіпті тәтті ұйықтап алудың да реті келді, өйткені ұшақ іші өте жайлы және ұшу кезінде мүлдем шу жоқ деп айтуға да болады.

 

БАӘ-не саяхат туралы сөз қозғаған кезде Шарджаны кейде сырт айналып жатамыз, бұл дұрыс емес. Бұл таңғажайып елмен таныстықты бастауға болатын әлдебір сол елдің қақпасы сияқты. Бұл жерде барлығы таңғалдырады – су жаңа әрі заманауи әуежайдан және ғажайып қонақүйлердің кең талғамынан бастап өзіңіз таңдаған кез келген әмірлікке жеңіл жету мүмкіндігіне дейін. Аса танымал әмірліктерді зерттеп, тануға арналған ең ыңғайлы әрі тиімді жолдың тура осы Шарджа арқылы өтетініне тіпті күмәнданудың қажеті жоқ.
Бұған біздің агенттеріміз де көз жеткізіп келді, олар Шарджаның өзіндегі жайлы қалалық қонақүйлерді ғана бағалап қоймай, көршілес әмірліктерге де барып келді – Фуджейра мен Дубай.

Саяхатшылар тура осылай өздерінің БАӘ-дегі демалыстарын өздері толықтырып, қанықтыра алады:

✓	Аль-Завра қорығындағы мангрлер қопасының ішімен жүріп өткіңіз келеді ме ? Ол орналасқан Аджманға шамамен 25 минутта жетіп баруға болады.
✓	Мегаполистердің қарбалысынан қашып, мүйістегі желден қашық әрі керемет құмды жағажайлары бар жайлы әрі шағын Умм-аль-Кувейнадан бірақ шығу үшін қанша уақыт керек?
✓	Жаныңыз ән салатын бұрқақтарды тамашалап, әлемдегі ең биік ғимараттан қарап көруді қалайды ма? Онда Дубайға қош келдіңіздер, оны Шарджадан небәрі 30 минут жол бөліп тұр!
✓	Көркем шөл даланы көріп, ежелгі халықтардың қалай өмір сүргенін тамашалағыңыз келеді ме, салтанатты қонақүйде демалып, кең құмды жағажайда күнге қыздырынып жатқыңыз келеді ме – осының барлығын бір әмірліктен табуға болады. Бұл жер Рас-эль-Хайма деп аталады және Шарджадан 50 минуттық жерде орналасқан.
✓	Фуджейрада Оман шығанағы мен Хаджар тауларына керемет көрініс ашылатын қонақүйлерге орналасуға болады, бұл небәрі бір ақ сағаттық жерде орналасқан.
✓	Абу-Дабиге жету үшін аз ғана көбірек уақыт қажет болады – 1 сағат 40 минут. Бірақ, көрер қызықтарыңыз жолыңызды әбден ақтайды. Өйткені БАӘ-ің астанасында саяхатшыларды ірі сауда орталықтарында ұмытылмайтын шопинг, сән-салтанатты шармайлармен серуендер және Шейх Зайд атындағы аппақ-ақ мешіт сияқты көптеген басқа да көрікті жерлер күтіп тұр.

Зина Мамедова Today Travel турагенттігі БАӘ-не саяхаттайтындардың барлығына мен Дубайдағы атақты ән салатын бұрқақтарды міндетті түрде көруге кеңес берер едім. Бұл жерде су мен жарықтың әсерімен кеш сайын ұмытылмас шоу қойылады. Айлаққа арқандалған аппақ-ақ яхталармен жағажайдың бойындағы салтанатты зәулім қалалардағы серуендер ұмытылмайтын әсер қалдырады.

Саяхатшылардың, сондай-ақ агенттердің Join UP!-пен бірге Шарджаға жайлы саяхаттан керемет әсер алып, мол тәжірибе жинайтынына сенімдіміз.