Халонг бойынша круиз және Фукуок жағажайлары
Таныс болыңыздар — бұл Измир
Еуропалық сипаттағы Түркия
Теңіз, жағажайлар, базарлар және қызғалдақ тәрізді стақандардағы дәмі қайталанбас шәй: бір қарағанда Измир — бәрі бірнеше рет көрген Түркия сияқты Алайда, Измирде кем дегенде бірнеше күн болып көрсеңіз, көзқарасыңыз өзгереді. Бұл — көне заманнан сыр шертетін қызықты тарихы бар нағыз алып мегаполис.
Бұл жердің атмосферасы мүлдем бөлек. Пальмалы әрі кафелерге толы Кордон жағалауы, Алачатыдағы түрлі түсті терезе қақпақтары бар тас үйлер — мұның бәрі Грекияны немесе Францияның оңтүстігін еске салады.
Измирге жету оңай: әр сәрсенбі және сенбі күндері Алматыдан SunExpress әуе компаниясының тікелей рейстері ұшады. Ұшу кестесі туристерге 3–4 түндік қысқа сапарды да, бір аптаға немесе одан да ұзақ демалысты да жоспарлауға мүмкіндік береді. Ал Join UP!™ әуе билеті, қонақүй, трансфер және сақтандыруды қамтитын дайын туристік пакеттерді ұсынады!
Теңізге қашан бару керек екенін, қалада не көруге болатынын және қайда тоқтау керектігін айтып береміз.
Қайда және қашан шомылу керек: Чешме жағажайлары мен Өздеренің тыныш қойнаулары
Эгей жағалауындағы жағажай маусымы мамырдан қазанға дейін созылады, ал қазір мақпал маусымы баяу аяқталып келеді. Егер саяхатты кейінге қалдырмасаңыз, туристеріңіз теңіз жағасындағы соңғы жылы күндерде демалып үлгереді.
Измирдің өзінде әдетте шомылмайды: қалалық жағалаулардың бойында порт пен мариналар орналасқан. Соныдықтан жағажай демалысы үшін көршілес курорттарға барады.
Міне, ең танымал бірнеше нұсқалар:
Чешме және Алачаты. Суы мөлдір құмды жағажайлар және теңіз жиегіндегі клубтар. Алачаты — Түркиядағы виндсерфингке арналған ең жақсы орындардың бірі, ал қалашықтың өзі тас үйлерімен және төбедегі жел диірмендерімен танымал. Белсенді демалыс пен көңілді кештерді ұнататындарға өте қолайлы.
Кушадасы және Өздере. Кең құмды-майда тасты жағажайлар, суға біртіндеп кіретін ыңғайлы жиек және толқыннан қорғалған тыныш қойнаулар — балалары бар отбасылар үшін тамаша нұсқа.
Қалада немен айналысуға болады: антикалық қирандылардан бастап түрік Тосканасына дейін
Жағажай маусымы аяқталып жатыр, бірақ Измирдің теңізсіз де қонақтарға ұсынары көп.
Күз түсе ыстық басылады, ақыр соңында қаланы көлеңкеден көлеңкеге қашпай, емін-еркін аралауға болады. Измирмен танысуды мыналардан бастаған жөн:
- Сағат мұнарасы. Конак алаңында орналасқан қаланың басты бойтұмары.
- Кемералты базары. Дәл осы алаңнан бастау алады. Ашық аспан астындағы ең үлкен тарихи базарлардың бірі: мұнда сауда-саттықпен төрт жүз жылдан астам айналысады.
- Агора. Қазіргі заманауи орамдардың дәл ортасында орналасқан ежелгі Смирнаның (Измирдің бұрынғы атауы) антикалық қирандылары. Мұндағы көруге болатын дүниелердің барлығы дерлік б.з. 178 жылы болған жер сілкінісінен кейін император Марк Аврелийдің қаражатына қайта тұрғызылған. Базиликаның астындағы күмбезді галереяларда тіпті антикалық граффитилер де сақталып қалған.
- Асансер. Караташ орамындағы көне лифт XX ғасырдың басында тұрғындар ұзын баспалдақпен төбеге көтеріліп қиналмауы үшін салынған. Жоғарыда шығанақ пен ескі орамдарға көрініс ашылатын дәмхана жұмыс істейді — бұл күннің батуын тамашалауға арналған ең үздік орындардың бірі.
- Эфес. Измирден көлікпен небәрі бір сағаттық жерде ең танымал антикалық қалалардың бірі және ЮНЕСКО-ның Бүкіләлемдік мұра нысаны орналасқан. Маршруттың басты нүктелері: Цельс кітапханасы мен Үлкен театр.
- Урла шарап зауыттары. Түрік шарабы италиялық немесе француздық шараптар сияқты кеңінен танымал емес, дегенмен ол осы саланың ең ірі байқауы — Decanter World Wine Awards марапатында тұрақты түрде медальдар алып келеді. Елдегі шарап өндіретін аймақтардың бірі — Измирден қырық минуттық жердегі жағалауда орналасқан Урла қалашығының маңы. Төбелердегі жүзімдіктері үшін бұл жерді «түрік Тосканасы» деп атап кеткен.
Эгей жағалауында қайда тоқтау керек
Теңіз үшін баратындарға Измирдің өзінде емес, жағалауда тұрған ыңғайлырақ. Қала мен Кушадасының арасында орналасқан Өздере курортты кентінде біз мына екі нұсқаны ұсынамыз:
Aria Claros Beach and Spa Resort 5* — Кларос қойнауындағы үлкен курорттық кешен: жеке құмды жағажайы, аквапаркі және спа-орталығы бар.
Hotel Grand Efe 4* — бірінші желіде орналасқан отбасылық қонақүй: жеке құмды-майда тасты жағажайы, төбешіктері бар бассейні және балаларға арналған аквапаркі бар.
Ал егер туристерге қалалық формат жақынырақ болса, Измирдің өзінде тоқтаған дұрыс. Мысалы, Кордон жағалауына жақын орналасқан Конак және Алсанджак аудандарында.
Измирде жағажай демалысын, антикалық қирандыларды аралауды және шарап зауыттарына баруды бір саяхатпен оңай ұштастыруға болады. Мұндағы демалыс уақытты тыныш өткізгісі келетіндерге де, шытырман оқиғалар мен жарқын әсерлер іздеп баратындарға да бірдей тамаша үйлеседі.
Join UP!-пен бірге туристеріңізге Эгей жағалауының ғажайыптарын ашыңыз!
1 Ödül Listeleri | Degustasyon
